پاکستان اور سعودیہ کا دفاعی معاہدہ، عالمی میڈیا نے پیشرفت کو خطے کے لیے اہم قرار دے دیا

پاکستان اور سعودی عرب کے تاریخی دفاعی معاہدے

اسلام آباد (آئی این پی) پاکستان اور سعودی عرب کے تاریخی دفاعی معاہدے نے عالمی میڈیا کی توجہ اپنی جانب مبذول کر لی۔

یہ بھی پڑھیں: بانی پی ٹی آئی کے گھر کی نیلامی کی خبروں پر نیب کا ردعمل سامنے آ گیا

عالمی میڈیا کی ردعمل

قطر کے نشریاتی ادارے الجزیرہ نے اپنی رپورٹ میں کہا کہ یہ معاہدہ خطے میں نئی جہت متعارف کروا رہا ہے اور اس کے اثرات بھارت سمیت پورے خطے پر پڑ سکتے ہیں۔ امریکہ کے نشریاتی ادارے سی این این نے تجزیہ کیا کہ پاکستان اور سعودی عرب کا دفاعی اتحاد ایک نئی دفاعی صف بندی کی عکاسی کرتا ہے، جو امریکہ پر خلیجی ریاستوں کے کم ہوتے اعتماد کی نشاندہی کرتا ہے۔

یہ بھی پڑھیں: 8 ہزار اکاؤنٹ بند کرو ورنہ تمہارا عملہ گرفتار کر لیں گے، بھارتی حکومت بیانیے کی جنگ ہارنے لگی، ایکس نے سر عام ایکسپوز کر دیا

خطے کی موجودہ سیاسی صورتحال

عالمی خبر رساں ایجنسی رائٹرز نے کہا کہ قطر پر اسرائیلی حملے نے خطے کو جھنجھوڑ دیا ہے اور اب واضح طور پر محسوس کیا جا سکتا ہے کہ خلیجی ممالک امریکہ پر اپنا انحصار کم کر رہے ہیں۔

پاکستان کی مضبوط پوزیشن

امریکی تجزیہ کار مائیکل کوگلمن نے تبصرہ کرتے ہوئے کہا کہ پاکستان کو چین، ترکی اور اب سعودی عرب کی مکمل حمایت حاصل ہے، جس سے پاکستان کی پوزیشن مزید مضبوط ہو گئی ہے۔