وزیراعظم پاکستان کی عزت افزائی

اللہ کی قسمت اور وزیر اعظم کا دورہ

اللہ تعالیٰ جس کو چاہتا بے حساب عزت سے نوازتا ہے۔ اسی کے ہاتھ میں بھلائی ہے اور وہ ہر چیز پر قادر ہے۔ اللہ تبارک وتعالیٰ جو چاہتا کرتا ہے۔ وزیر اعظم پاکستان میاں محمد شہباز شریف سعودی ولی عہد شہزادہ محمد بن سلمان بن عبدالعزیز آل سعود کی دعوت پر وفاقی وزیر اطلاعات و نشریات عطا اللہ تارڑ سمیت کابینہ کے اہم ارکان کے ساتھ ایک روزہ سرکاری دورے پر سعودی عرب پہنچے۔

یہ بھی پڑھیں: جلالپور پیروالا کے ڈی ایس پی لطیف نے دریا کے قدرتی راستے کو کھولنے کا کہا مگر سیاسی دباؤ پر انہی کو معطل کر دیا گیا: صحافی محمد عمیر

شاہی استقبال اور فضائی سلامی

سعودی ائیر فورس کے لڑاکا طیاروں نے وزیر اعظم شہباز شریف کے جہاز کے سعودی ائیر اسپیس میں داخل ہوتے ہی شاندار استقبال کیا۔ وزیراعظم شہباز شریف کے ہوائی جہاز کے سعودی فضائی حدود میں داخلے پر سعودی F5 لڑاکا طیاروں نے وزیراعظم کے طیارے کو حصار میں لے لیا۔ وزیراعظم نے سعودی لڑاکا طیاروں کو سلامی پیش کی اور کاک پٹ میں جا کر مائیک کے ذریعے سعودی ولی عہد شہزادہ محمد بن سلمان کا شکریہ بھی ادا کیا۔

یہ بھی پڑھیں: الحمد للہ باقاعدہ نانا بن چکا ہوں، ثقلین مشاق کا نواسی کی پیدائش پر رد عمل

خوشی کا ماحول اور پاکستانی پرچم

ڈپٹی گورنر ریاض شہزادہ محمد بن عبدالرحمان بن عبدالعزیز نے وزیر اعظم پاکستان میاں محمد شہباز شریف کا شایان شان استقبال کیا۔ ریاض کی سڑکوں پر جشن کا سماں تھا، ہر طرف پاکستانی پرچم کی لہراتی موجودگی دونوں ممالک کی برادرانہ تعلقات کا مُنہ بولتا ثبوت تھی۔ پاکستان وزیراعظم شہباز شریف کی قیادت میں عالمی سطح پر عزت کمارہا ہے!

یہ بھی پڑھیں: جنوبی کوریا میں مردوں کی تعداد کی شرح میں بڑی حد تک کمی کے باعث فوج کی تعداد میں کمی ہو گئی

دفاعی معاہدہ اور اسٹریٹجکں تعلقات

وزیرِ اعظم شہباز شریف اور سعودی ولی عہد محمد بن سلمان کی ملاقات ہوئی۔ ملاقات میں نائب وزیرِ اعظم اسحاق ڈار، فیلڈ مارشل سید عاصم منیر، وزیر دفاع خواجہ آصف، وزیر خزانہ محمد اورنگزیب، وفاقی وزیر مصدق ملک موجود تھے۔ وزیرِ اعظم ولی عہد محمد بن سلمان سے ملاقات کےلیے قصر یمامہ پہنچے، جہاں انہیں سعودی شاہی پروٹوکول کے ساتھ استقبال کیا گیا۔

یہ بھی پڑھیں: جدہ میں کشمیر کے یوم سیاہ کے حوالے سے تقریب ،مہمان خصوصی قونصل جنرل پاکستان خالد مجید تھے

معاہدے کی اہمیت

سعودی ولی عہد محمد بن سلمان اور وزیر اعظم شہباز شریف نے پاکستان اور سعودی عرب کے مابین 'اسٹریٹجک باہمی دفاعی معاہدے' (SMDA) پر دستخط کیے۔ معاہدے میں کہا گیا ہے کہ کسی بھی ایک ملک کے خلاف کسی بھی جارحیت کو دونوں ملکوں کے خلاف جارحیت تصور کیا جائے گا۔ یہ معاہدہ دونوں ممالک کی سلامتی کو بڑھانے اور خطے اور دنیا میں سلامتی اور امن کے حصول کے لیے مشترکہ عزم کی عکاسی کرتا ہے۔

یہ بھی پڑھیں: ایچ بی ایل کے برانچ مینجر کا تاندلیانوالہ میں خاتون کے ساتھ فراڈ، بینک انتظامیہ سچ جاننے کے باوجود خاموش

آگے کا سفر

سعودی عرب سے وزیر اعظم آج برطانیہ روانہ ہوں گے اور پھر برطانیہ میں 2 روز قیام کے بعد امریکہ جائیں گے۔ امریکہ کے دورے کے دوران وزیراعظم اقوام متحدہ کی جنرل اسمبلی سے خطاب کریں گے۔ وزیراعظم کی امریکی صدر ٹرمپ سے ملاقات کا بھی قوی امکان ہے۔

نوٹ

یہ مصنف کا ذاتی نقطہ نظر ہے جس سے ادارے کا متفق ہونا ضروری نہیں۔