لاہور میں منکی پاکس کے پہلے کیس کی تشخیص، سپیشل میڈیکل بورڈ تشکیل دے دیا گیا

جنرل ہسپتال میں منکی پاکس کا معاملہ

لاہور (ڈیلی پاکستان آن لائن) جنرل ہسپتال میں منکی پاکس کے زیر علاج مریض کا معاملہ، پرنسپل جنرل ہسپتال کی ہدایت پر ایم ایس نے سپیشل 5 رکنی میڈیکل بورڈ تشکیل دے دیا۔

یہ بھی پڑھیں: پی ٹی آئی میں کوئی بلاک نہیں ہے:عمر ایوب

میڈیکل بورڈ کی تشکیل اور رپورٹنگ

میڈیکل بورڈ روزانہ کی بنیاد پر مریض رحمت علی کا چیک کرکے رپورٹ پیش کرے گا۔ پروفیسر عاطف شہزاد 5 رکنی میڈیکل بورڈ کی سربراہی کریں گے۔ اس سپیشل میڈیکل بورڈ میں پروفیسر عاکف دلشاد، پروفیسر خرم سلیم، ایڈیشنل ایم ایس ڈاکٹر جعفر شاہ اور ڈاکٹر آمنہ آصف شامل ہیں۔

علاج و سہولیات

پرنسپل جنرل ہسپتال پروفیسر فاروق افضل کا کہنا ہے کہ میڈیکل بورڈ نے مریض کا بہترین علاج ومعالجہ شروع کردیا ہے۔ مریض کے لیے فری ادویات اور فیملی کے لیے کھانے کی سہولت دی جارہی ہے۔