پی ٹی آئی کے سپورٹر بھی پاک سعودی دفاعی معاہدے کے معترف، کہتے ہیں وزیراعظم شہباز شریف نے سفارتی محاذ پر بھارت کو شکست دے دی ہے

پاکستان تحریک انصاف کے اوورسیز سپورٹرز کا ردعمل

لاہور (ڈیلی پاکستان آن لائن) پاکستان تحریک انصاف کے اوورسیز سپورٹر بھی پاکستان اور سعودی عرب کے درمیان ہونے والے دفاعی معاہدے کو سراہ رہے ہیں۔ اوورسیز پاکستانی کا کہنا ہے کہ اختلاف رائے اپنی جگہ لیکن اچھے کاموں کی ستائش کرنی چاہئے۔

یہ بھی پڑھیں: دنیا کا سب سے بڑا پٹرول پمپ، ایک وقت میں 120 گاڑیاں فیول بھرواسکتی ہیں

سعودی عرب میں پی ٹی آئی کے سپورٹر کا شان دار بیان

سوشل رابطے کی ویب سائٹ ایکس پر وائرل ویڈیو میں سعودی عرب میں مقیم پی ٹی آئی کے سپورٹر اوورسیز پاکستانی کی جانب سے کہا گیا ہے کہ ان کا تعلق تو پی ٹی آئی سے ہے لیکن پاکستان اور سعودی عرب کے درمیان دفاعی معاہدے پر انہیں فخر ہے۔ دنیا بھر میں پاکستان کی عزت بنانے میں ن لیگی حکومت بازی لے گئی ہے۔ معاہدے کے بعد سعودی عرب کے باشندوں کی جانب سے بھی پاکستانیوں کو گلے لگا کر خوشی کا اظہار کیا جا رہا ہے۔

معاہدے کی اہمیت اور قومی کامیابی

اوورسیز پاکستانی نے مزید کہا کہ اختلاف رائے اپنی جگہ لیکن دفاعی معاہدہ مسلم لیگ ن کی بڑی کامیابی ہے۔ وزیراعظم شہباز شریف نے معاہدہ کر کے بھارت کی مت مار دی ہے۔ سفارتی محاذ پر بڑی شکست دی ہے۔ بھارت کو سمجھ نہیں آ رہی کہ اس کے ساتھ ہوا کیا ہے۔ اس وقت پوری دنیا وزیراعظم شہباز شریف کی معترف ہے۔

میرا تعلق PTI سے ہے لیکن یہ کہنا پڑے گا پاکستان کی عزت بنانے میں ن لیگ نمبر لے گئ ہے
آج سعودی عرب میں دل کر رہا ہے قمیض کے سارے بٹن کھول کر پھروں
سفارتی محاذ پر چاچے شہباز شریف نے بھارت کو پچھاڑ کے رکھ دیا ہے
چاچا جہاں جاتا دنیا چاچے شہباز کی فین ہو گئ ہے، اوورسیز پاکستانی pic.twitter.com/5Iei2E4gEj

— میاں عامر ???? (@LegiMian) September 19, 2025