رجب بٹ کے ہاں پہلے بچے کی پیدائش؟ تفصیلات سامنے آگئیں۔

رجب بٹ کی والدیت کی خبر

کراچی (آئی ین پی) معروف اور متنازع یوٹیوبر رجب بٹ کے ہاں پہلے بچے کی پیدائش ہوگئی، تاہم انہوں نے تاحال اپنے سوشل میڈیا اکاؤنٹس پر اپنے والد بننے کی کوئی تصدیق نہیں کی۔ متعددی یوٹیوبرز اور ٹک ٹاکرز کی جانب سے رجب بٹ کے ہاں پہلے بچے کی پیدائش کی ویڈیوز شیئر کی گئیں، جن میں یوٹیوبر کی اہلیہ ایمان بٹ کو ہسپتال کے بستر پر دیکھا جا سکتا ہے۔

یہ بھی پڑھیں: نو سال تک جھوٹی محبت میں مبتلا رہنے والی خاتون: ‘میں اتنی بےوقوف کیسے بن گئی؟’

پیدائش کا جشن

یوٹیوبرز اور ٹک ٹاکرز کی جانب سے دعویٰ کیا جا رہا ہے کہ رجب بٹ کے ہاں پہلے بیٹے کی پیدائش ہوگئی۔ سوشل میڈیا پر وائرل ہونے والی ویڈیوز میں رجب بٹ کو بیٹے کی پیدائش پر برطانیہ میں جشن مناتے دیکھا جا سکتا ہے۔ ایک ویڈیو میں رجب بٹ اپنی والدہ سے فون پر بات کرتے ہوئے دکھائی دیے، جس میں وہ والدہ کو دادی بن جانے پر مبارک باد دیتے ہیں۔

یہ بھی پڑھیں: سینیٹ اجلاس میں اپوزیشن نے بجٹ کو “امیر پرور” اور “غریب کش” قرار دے دیا

خوشیوں کے دن قریب

رجب بٹ نے اپنی والدہ کو بتایا کہ جلد ہی پوری رجب بٹ فیملی بچے کی پیدائش کا جشن منائے گی اور خوشیوں کے دن آنے والے ہیں۔ رجب بٹ نے ایمان بٹ سے دسمبر 2024 میں شادی کی تھی اور شادی کے ایک سال بعد ان کے ہاں پہلے بچے کی پیدائش ہوئی ہے۔

یہ بھی پڑھیں: بھارت کشیدگی بڑھانے کے بجائے پاکستان سے بات چیت کرے: روس کا دوٹوک مؤقف

ازدواجی مسائل اور قانونی معاملات

شادی کے کچھ ماہ بعد ان کے اور اہلیہ کے درمیان مبینہ اختلافات کی خبریں بھی پھیلتی رہیں لیکن انہوں نے کسی بھی ایسی خبروں پر وضاحت نہیں دی۔ شادی کے چند ہفتوں بعد ہی رجب بٹ کو پولیس نے شادی کے تحفے میں شیر کا بچہ وصول کرنے کے الزام میں گرفتار کر لیا تھا۔ بعد ازاں ان کے خلاف دیگر تنازعات بھی سامنے آئے اور انہیں متعدد بار گرفتار کر کے بعد میں رہا کر دیا گیا۔

توہین مذہب کے الزامات

رجب بٹ پر چند ماہ قبل توہین مذہب کا الزام بھی لگا، جس کے بعد وہ بیرون ملک منتقل ہوگئے۔ ابتدائی طور پر خبریں تھیں کہ وہ متحدہ عرب امارات منتقل ہوگئے لیکن بعد میں معلوم ہوا کہ وہ برطانیہ شفٹ ہوگئے۔ رجب بٹ نے خود پر لگنے والے توہین مذہب کے الزامات کے بعد معافی بھی مانگی تھی، لیکن کبھی انہوں نے بیرون ملک منتقل ہونے کے بارے میں کوئی وضاحت نہیں دی۔