امریکی ویزا فیس میں اضافہ، واپس جانے والے بھارتی مسافر جہاز سے اتر گئے

ایمریٹس کی پرواز پر ہنگامہ

سان فرانسسکو (آئی این پی) امریکا کے سان فرانسسکو ایئرپورٹ پر دبئی جانے والی ایمریٹس کی پرواز میں اس وقت ہنگامہ کھڑا ہوگیا جب امریکی صدر ڈونلڈ ٹرمپ نے اچانک اعلان کیا کہ ایچ ون بی ورک ویزے کی فیس اب 1 لاکھ ڈالر ہوگی۔

یہ بھی پڑھیں: سفیر پاکستان فیصل نیاز ترمذی کی امارات کے وزیر اقتصادیات و سیاحت سے ابو ظہبی میں الوداعی ملاقات

مسافروں کا خوف اور ہنگامہ

اعلان سنتے ہی بھارت جانے والے کئی مسافر اس خوف سے طیارے سے اتر گئے کہ اگر واپس آنا پڑا تو پیسے کہاں سے دیں گے؟ اس ہنگامے کے باعث پرواز کو 3 گھنٹے کی تاخیر کا سامنا کرنا پڑا۔

یہ بھی پڑھیں: سولر پینلز پر 18 فیصد سیلز ٹیکس، قیمت میں 3200 روپے تک کا اضافہ

سوشل میڈیا پر ردعمل

سوشل میڈیا پر وائرل ویڈیوز میں دیکھا جاسکتا ہے کہ مسافر جہاز کے اندر کھڑے ہیں، کچھ گھبراہٹ کے عالم میں فون پر خبریں دیکھ رہے ہیں، جبکہ بعض ایک دوسرے سے پوچھ رہے ہیں کہ فلائٹ ہوگی بھی یا نہیں۔

یہ بھی پڑھیں: اسلام آباد، خاتون کو نازیبا تصاویر کے ذریعے بلیک میل کرنے والا ملزم گرفتار

کپتان کا غیر معمولی اعلان

طیارے کے کپتان نے بھی غیرمعمولی اعلان کرتے ہوئے کہا، "خواتین و حضرات، یہ صورتحال ہمارے لیے بھی بے مثال ہے۔ اگر کوئی مسافر پرواز میں سفر نہیں کرنا چاہتا تو وہ اتر سکتا ہے۔ یہ بالکل درست ہے، بس براہِ کرم فوری فیصلہ کرلیں۔" عینی شاہدین کے مطابق فضا ایسی تھی جیسے کوئی ایمرجنسی ہو۔

یہ بھی پڑھیں: عمران خان کے یرقان سے متاثر ہونے کا خدشہ؟ جیل سپرٹینڈنٹ نے رد عمل جاری کر دیا

ایچ ون بی ویزا ہولڈرز کی ہدایات

ایک انسٹاگرام صارف نے ویڈیو شیئر کرتے ہوئے لکھا کہ امارات کی پرواز پر مکمل افراتفری پھیل گئی، ٹرمپ کے حکم نامے نے بھارتی مسافروں کو ہلا کر رکھ دیا اور کئی مسافروں نے طیارہ ہی چھوڑ دیا۔ صورتحال اس وقت مزید سنگین ہوگئی جب مائیکروسافٹ اور میٹا نے اپنے ایچ ون بی ویزا ہولڈرز کو ہنگامی ہدایات جاری کیں کہ وہ امریکا سے باہر نہ نکلیں اور جو ملک سے باہر ہیں وہ فوری طور پر 24 گھنٹوں کے اندر واپس پہنچ جائیں، ورنہ داخلے پر پابندی لگ سکتی ہے۔

یہ بھی پڑھیں: بھارتی نجومی کی فائنل میں پاکستان کی فتح کی پیشگوئی

وائٹ ہاؤس کی وضاحت

تاہم اگلے ہی روز وائٹ ہاؤس نے وضاحت جاری کی کہ نئی ویزا فیس صرف ایک بار دینی ہوگی اور وہ بھی نئے درخواست دہندگان پر لاگو ہوگی، موجودہ یا تجدید شدہ ویزوں پر نہیں۔ پریس سیکریٹری کیرولین لیوٹ نے سوشل میڈیا پر کہا، "یہ سالانہ فیس نہیں ہے بلکہ صرف نئی اپلیکیشنز پر ایک بار لاگو ہوگی۔"

پرواز کی روانگی اور اثرات

امارات کی پرواز بالآخر 3 گھنٹے بعد روانہ ہوئی، لیکن اس واقعے نے بھارتی مسافروں میں ایک نئی بے چینی کو جنم دے دیا ہے۔ ٹرمپ کے اس فیصلے کو امریکی ٹیکنالوجی انڈسٹری میں ایک بڑے طوفان کا پیش خیمہ قرار دیا جارہا ہے۔