پیپلز پارٹی کے چیئرمین بلاول بھٹو زرداری کی ۳۷ویں سالگرہ دبئی میں منائی گئی

چیئرمین بلاول بھٹو زرداری کی سالگرہ کا جشن

دبئی (طاہر منیر طاہر) - پاکستان پیپلز پارٹی گلف و مڈل ایسٹ کی جانب سے پیپلز پارٹی کے چیئرمین بلاول بھٹو زرداری کی 37ویں سالگرہ دبئی کے مقامی ہوٹل میں منائی گئی۔ سالگرہ تقریب کا اہتمام پی پی پی سوشل میڈیا کے صدر کریم امیر علی نے کیا جبکہ پروگرام کی صدارت صدر پی پی پی گلف / مڈل ایسٹ میاں منیر ہانس نے کی۔

یہ بھی پڑھیں: اسرائیلی وزیر دفاع نے ایران کے سپریم لیڈر کو نشانہ بنانے کی دھمکی دے دی

پروگرام کا آغاز

پروگرام کا با قاعدہ آغاز تلاوت قرآن پاک اور نعت شریف سے کیا گیا۔ متحدہ عرب امارات کی تمام ریاستوں میں موجود پیپلز پارٹی کی اعلی قیادت، جیالوں، ورکرز، خواتین اور پاکستانی کمیونٹی کے لوگوں نے شرکت کی۔

یہ بھی پڑھیں: سیلاب کی مشکل گھڑی، مسلح افواج یوم دفاع وشہدا انتہائی سادگی سے منا رہی ہیں: آئی ایس پی آر

بلاول بھٹو کی شراکت

صدر پی پی پی گلف میاں منیر ہانس نے کہا کہ بلاول بھٹو کا بچپن دبئی میں گزرا اور انہوں نے ابتدائی تعلیم بھی دبئی میں حاصل کی۔ محترمہ بینظیر بھٹو شہید نے ان کی تربیت دبئی میں اپنی جلاوطنی کے دوران شروع کر دی تھی۔ آج جس طرح بلاول بھٹو زرداری نے دنیا بھر میں ایک منجھے ہوئے لیڈر کی طرح پاکستان کے لیے کامیاب سفارت کاری کی، اس کے باعث دنیا بھر میں پاکستان کو خصوصی مقام ملا۔

یہ بھی پڑھیں: دپیکا نے بیٹی کا نام اور تصویر سوشل میڈیا پر شیئر کردی

فیلڈ مارشل کی تعریف

اپنی تقریر کے دوران میاں منیر ہانس نے فیلڈ مارشل عاصم منیر کی خصوصی تعریف کی اور کہا کہ جس طرح انہوں نے پاکستان کا دفاع کیا وہ قابل تعریف ہے۔

یہ بھی پڑھیں: جاگراں پاور ہاؤس سے نیشنل گرڈ کو جانی والی ٹرانسمیشن لائن ٹوٹ گئی، وادیٔ نیلم میں بجلی کا بریک ڈاؤن، موبائل انٹرنیٹ سروسز بھی متاثر

شرکت کرنے والے افراد

تقریب میں ذوالفقار علی مغل، نثار محمود خٹک، ملک محمد اسلم، شفیق الرحمان صدیقی، عرفان قمر گوندل، قیصر آفریدی، غضنفر نقوی، رائے خالد بھٹی، قاری میں منور، اسد علی خان، عامر سطانی، کاظمی فرہاد، راجہ بلاول خان، عتیق گورسی، قاری عبدالوہاب صدیقی، تسلیم عباس، نوفل عالم، فیضان منور وریا، محمد نظام، احسان شفیق گوگا، ممتاز علی جونیجو، فرخ سیدین، حسیب منیر ہانس، عائشہ منیر ہانس و دیگر خواتین و حضرات نے شرکت کی جن کا شکریہ ادا کیا گیا۔

یہ بھی پڑھیں: بیوی کو قتل کرنے کے الزام میں شوہر گرفتار

سالگرہ کا کیک

پروگرام کے آخری حصہ میں چیئرمین پی پی پی بلاول بھٹو زرداری کی سالگرہ کا کیک کاٹا گیا اور شرکاء پارٹی نے "جئے بھٹو، جئے بی بی، جئے زرداری، جئے بلاول بھٹو زرداری" اور "وزیر اعظم بلاول بھٹو" کے نعرے لگائے۔ دوران پروگرام موسیقی کی دھن پر صوفی کلام پیش کیا گیا۔

پروگرام کی مختصری

پاکستان میں سیلابی صورتحال اور تباہی کی وجہ سے چیئرمین بلاول بھٹو زرداری کی خصوصی ہدایات کے مطابق پروگرام مختصر رکھا گیا۔