وزیراعظم نے گلگت بلتستان سے متعلق سفارشات کی منظوری دے دی، فاقی وزیر توانائی اویس لغاری

اسلام آباد (نمائندہ خصوصی علی اختر) وفاقی وزیر توانائی اویس لغاری کا کہنا ہے کہ وزیراعظم نے گلگت بلتستان سے متعلق سفارشات کی منظوری دے دی ہے۔ وزیراعظم کے اقدامات کو تاریخ میں یاد رکھا جائے گا، سوست ڈرائی پورٹ سے متعلق تاریخی فیصلہ کیا گیا ہے۔

یہ بھی پڑھیں: سیکیورٹی خدشات، عالمی جوہری ایجنسی نے اپنے معائینہ کاروں کو ایران سے نکال لیا

پریس کانفرنس کا انعقاد

وفاقی وزیر توانائی اویس لغاری، وزیر اعلیٰ گلگت بلتستان حاجی گلبر، چیئرمین قائمہ کمیٹی خزانہ سلیم مانڈی والا اور سابق وزیر اعلیٰ گلگت بلتستان حفیظ الرحمان نے اپنے جی بی کونسل ممبران کے ہمراہ ایف بی آر ہیڈ کوارٹر میں پریس کانفرنس کی۔ اس موقع پر وفاقی وزیر توانائی اویس لغاری نے بتایا کہ گلگت بلتستان کا مطالبہ تھا کہ ٹیکسوں میں ریلیف دیا جائے۔ وزیر اعظم نے کمیٹی قائم کی، جس نے ڈیڑھ ماہ میں سفارشات تیار کرکے وزیراعظم کو پیش کیں۔ گلگت بلتستان کے ٹیکسوں کا مسئلہ حل کر لیا ہے، سوست میں ہڑتال کے بعد تجارت بند ہو گئی تھی صدر اور وزیراعظم کی ہدایت پر مسئلہ حل کر لیا ہے۔

وزیر اعلیٰ کی تجاویز

وزیر اعلیٰ گلگت بلتستان حاجی گلبر نے کہا ہم حکومت پاکستان کے شکر گزار ہیں، گلگت بلتستان چیمبر نے تجارتی سرگرمیاں شروع کرنے کا اعلان کیا گیا ہے، جی بی میں کنزمپشن ٹیکس کا میکینزم بنا دیا ہے، جی بی میں سیلز ٹیکس ختم کر دیا گیا، فیڈرل ایکسائز ڈیوٹی بھی نہیں لگے گی۔