فواد چوہدری نے فلک جاوید کی گرفتاری پر رد عمل جاری کر دیا

گرفتاری کی تفصیلات

لاہور (ڈیلی پاکستان آن لائن) پی ٹی آئی کی ورکر فلک جاوید کو دو روز قبل جعلی ویڈیو کے مقدمے میں گرفتار کیا گیا جو کہ عظمیٰ بخاری کی مدعیت میں درج ہے۔

یہ بھی پڑھیں: ریاستی اداروں کے خلاف توہین آمیز پیغامات پر خاتون سرکاری افسر گرفتار

فواد چوہدری کا ردعمل

اب اس معاملے پر سابق وزیر اطلاعات فواد چوہدری نے رد عمل جاری کر دیا ہے۔ انہوں نے ایکس پر جاری پیغام میں کہا کہ جو بھی ضمیر رکھتا ہے وہ اس معاملے میں عظمیٰ بخاری کے ساتھ کھڑا ہوگا۔

یہ بھی پڑھیں: ڈاکٹرز نے مجھے دو مرتبہ مردہ قرار دے دیا ، ایک بار میری لاش گھر بھجوا دی ، سابق خاتون رکن اسمبلی نے تہلکہ خیز انکشاف کردیا

سوشل میڈیا کے غلط استعمال کا مسئلہ

فواد چوہدری نے مزید کہا کہ خواتین رہنماؤں جیسے بشریٰ بی بی، علیمہ خان، مریم نواز شریف اور دیگر کو سوشل میڈیا کے غلط استعمال سے قانونی تحفظ ملنا چاہیے۔ میں نے کافی عرصہ پہلے پی ایم ڈی اے (PMDA) کو تجویز دی تھی، لیکن سیٹھ میڈیا نے شہریوں کو سوشل میڈیا کے غلط استعمال سے بچانے کے اس منصوبے کی راہ میں رکاوٹ ڈالی۔

سیاسی جماعتوں کی اپیل

ابھی بھی اصل حل پی ایم ڈی اے ہے، فوجداری قوانین نہیں۔ میں تمام سیاسی جماعتوں خصوصاً مسلم لیگ ن سے اپیل کرتا ہوں کہ وہ سوشل میڈیا ٹیموں کی سیاسی مخالفین کی توہین اور تذلیل کی سرپرستی نہ کریں۔ آپ اپنے گھر میں سانپ پال کر خود کو محفوظ نہیں رکھ سکتے۔