No Tolerance for Those Who Resort to Violence: Maryam Nawaz

وزیراعلیٰ پنجاب مریم نواز کا بیان

لاہور (ڈیلی پاکستان آن لائن) وزیراعلیٰ پنجاب مریم نواز نے کہا ہے کہ تشدد اور دہشتگردی کا راستہ اختیار کرنے والوں سے کوئی رعایت نہیں ہونی چاہئے۔

یہ بھی پڑھیں: افغانستان نے پاکستان کو شکست دے کر انڈر 19 سیریز اپنے نام کر لی

اسلام آباد میں کانسٹیبل کی شہادت پر افسوس

وزیر اعلیٰ پنجاب مریم نواز نے تحریک انصاف کے احتجاج کے دوران اسلام آباد میں کانسٹیبل کی شہادت پر گہرے دکھ کا اظہار کیا اور واقعہ کی شدید مذمت کی۔ مریم نواز نے شہید کانسٹیبل حمید شاہ کے اہلخانہ سے ہمدردی اور تعزیت کا اظہار کیا، جبکہ حمید شاہ شہید اور دیگر ڈیوٹی اہلکاروں پر تشدد کی بھی شدید مذمت کی۔

یہ بھی پڑھیں: بنگلا دیشی صدر کو برطرف کرنے کی مہم زور پکڑنے لگی

تشدد اور دہشت گردی کی مذمت

اس حوالے سے اپنے بیان میں وزیراعلیٰ پنجاب مریم نواز کا کہنا تھا کہ احتجاج کی آڑ میں تشدد اور دہشت گردی کی اجازت نہیں، منہ توڑ جواب ملے گا۔ عوام پوچھتے ہیں یہ کیسا پرامن احتجاج ہے جس میں سینکڑوں پولیس اہلکاروں کو حملے کر کے زخمی کردیا گیا۔

تحریک انتشار کی تشخیص

مریم نواز نے مزید کہا کہ تحریک انتشار مسلح جتھے کی شکل اختیار کر چکی ہے۔ نام نہاد احتجاج کی وجہ سے لوگوں کا کاروبار متاثر ہوا، لاکھوں شہریوں کو پریشانی کا سامنا کرنا پڑا۔ دوسروں کو اذیت دینا اور عوام کی جان و مال پر متعین پولیس اہلکاروں پر تشدد، کونسی سیاست ہے؟