مودی نے سیاست کے لیے کرکٹ کی سپرٹ تباہ کردی: خواجہ آصف

بھارت کی جانب سے کھیل میں سیاست

اسلام آباد(ڈیلی پاکستان آن لائن) بھارت کی جانب سے کھیل میں سیاست کو گھسیٹنے پر وزیردفاع خواجہ آصف نے کہا ہے کہ مودی نے اپنی سیاست کے لیے کرکٹ کی سپرٹ تباہ کر دی۔

یہ بھی پڑھیں: دس سال پہلے دہشت گردی کا منظر کچھ اور تھا آج کچھ اور ہے، کسی نے تو عدالت کو سمجھانا ہے کہ ہو کیا رہا ہے، جسٹس محسن اختر کیانی، لاپتہ شہری کی بازیابی سے متعلق ان کیمراہ بریفنگ طلب

کرکٹ کے کلچر کی تباہی

وزیردفاع خواجہ آصف نے سوشل میڈیا پر جاری پیغام میں کہا کہ کرکٹ کے کلچر اور سپرٹ کو تباہ کرکے مودی اپنی سیاست بچانے کے لیے برصغیر میں امن کے امکانات اور مسائل کے حل کے چانسز ختم کر رہا ہے۔

یہ بھی پڑھیں: عالمی قوانین کے تحت پاکستان کو بھارتی جارحیت کا جواب دینے کا پورا حق حاصل ہے: بلاول

عزت کی بحالی

انہوں نے بتایا کہ عزت اس طرح بحال نہیں ہوتی، پاک بھارت جنگ کا سکور چھ صفر پتھر پر کندہ ہوگیا ہے، ہم تو کچھ نہیں کہہ رہے، مودی بھارت اور دنیا دونوں میں خوار ہوگیا ہے۔

یہ بھی پڑھیں: وفاقی آئینی عدالت: رمضان المبارک کے دوران دفتری اوقات کار کا نوٹیفکیشن جاری

ایشیا کپ کے واقعات

یاد رہے کہ ایشیا کپ کے دوران بھارتی ٹیم نے سپورٹس مین اسپرٹ کی خلاف ورزی کرتے ہوئے پاکستانی ٹیم سے ہاتھ نہیں ملایا، فائنل سے قبل بھارتی کپتان نے پاکستانی کپتان کے ساتھ ٹرافی کے لیے تصویر بھی نہیں بنوائی۔

بھارتی ٹیم کی ہٹ دھرمی

فائنل میچ کے بعد بھارتی بورڈ کی ایما پر بھارتی ٹیم کی ہٹ دھرمی بھی برقرار رہی اور بھارتی ٹیم نے محسن نقوی سے ٹرافی لینے سے انکار کردیا، بھارتی ٹیم کی ہٹ دھرمی کی وجہ سے دبئی کرکٹ اسٹیڈیم میں فائنل تقریب بھی تاخیر کا شکار ہوئی۔