انکم ٹیکس ریٹرن کی تاریخ میں توسیع کی خبریں بے بنیادہیں، ایف بی آر

ایف بی آر کی وضاحت

اسلام آباد(ڈیلی پاکستان آن لائن) فیڈرل بورڈ آف ریونیو نے وضاحت جاری کرتے ہوئے کہا ہے کہ انکم ٹیکس ریٹرن جمع کرانے کی آخری تاریخ میں کوئی توسیع نہیں کی جارہی۔ سال 2025 کے لئے انکم ٹیکس ریٹرن کی تاریخ میں توسیع کی خبریں بے بنیاد اور گمراہ کن ہیں۔

یہ بھی پڑھیں: آپریٹر نے ایمرجنسی کی نوعیت کو غلط سمجھا اور اسے میڈیکل ایمرجنسی سمجھ کر کارروائی کی، سانحہ سوات سے متعلق ڈائریکٹر جنرل ریسکیو 1122 شاہ فہد کا انکشاف

سیلاب سے متاثرہ ٹیکس دہندگان

نجی ٹی وی چینل جیو نیوز کے مطابق ایف بی آر نے سیلاب سے توسیع کو جوڑنے کی کوششوں کو مسترد کردیا۔ ایف بی آر کا کہنا ہے کہ زیادہ تر ٹیکس دہندگان سیلاب سے متاثر نہیں ہوئے، ان کے پاس کافی وقت تھا۔ آئی آر آئی ایس سسٹم کی سست روی کے دعوے غلط ہیں، پلیٹ فارم مکمل فعال ہے۔

اخری تاریخ کے نتائج

فیڈرل بورڈ آف ریونیو مزید کہتا ہے کہ مقررہ تاریخ تک ریٹرن جمع نہ کرانے کے نتائج ہوں گے۔ انکم ٹیکس ریٹرن جمع کرانے کی آخری تاریخ 30 ستمبر ہے۔