اپنی زندگی میں اتنا صاف ستھرا مری نہیں دیکھا : مریم نواز

وزیراعلیٰ پنجاب کی مری کی صفائی کی تعریف

مری(ویب ڈیسک) وزیراعلیٰ پنجاب مریم نواز نے کہاہے کہ اپنی زندگی میں اس سے پہلے مری کو اتنا صاف کبھی نہیں دیکھاتھا۔

یہ بھی پڑھیں: سینئر سیاستدان چوہدری نثار کا علاج کیلئے بیرون ملک جانے کا فیصلہ

نواز شریف کی حمایت

تقریب سے خطاب میں وزیراعلیٰ پنجاب نے کہاکہ ’نوازشریف جب مری آتے ہیں تو ہمیشہ مجھے شاباش دیتے ہیں۔ خیبرپختونخوا سے مری میں داخل ہوں تو واضح فرق دکھتاہے، ایسا لگتاہے کہ وہ کوئی اورملک ہے اور یہ کوئی اور ملک ۔۔۔ سب کچھ سلیقے سے ہے، چاہے وہ ناریل پانی بیچنے والی ریڑھیاں ہی کیوں نہ ہوں، بازار بھی طریقے سے ہیں، وہ وعدے بھی نبھارہے ہیں جو مری سے کیے بھی نہیں تھے‘۔

یہ بھی پڑھیں: یو اے ای کی تاریخ کی سب سے بڑی لاٹری جیتنے والا نوجوان کون؟ شناخت سامنے آگئی

موصولہ ٹوئٹ کی جھلک

اِتنا صاف ستھرا مری میں نے آج تک اپنی زندگی میں نہیں دیکھا .. !!
نواز شریف صاحب جب مہینے میں ایک دو بار مری آتے ہیں تو ہمیشہ مجھے شاباش دیتے ہیں۔ اور جب آپ خیبر پختونخوا سے مری میں داخل ہوتے ہیں تو لگتا ہے جیسے کسی اور ملک کی سیر کر رہے ہوں pic.twitter.com/1bovqSK8Fa

— Rashid Nasrullah (@RashidNasrulah) October 1, 2025

یہ بھی پڑھیں: وفاقی حکومت نے 11 نئے دانش سکولوں کے قیام کا اعلان کردیا، کہاں بنائے جائیں گے؟

خواتین کے حقوق کا تحفظ

ان کا مزید کہناتھا کہ پنجاب میں خواتین کے خلاف اگر کوئی جرم ہوگا تو مریم نواز اسے چھوڑے گی نہیں، مریم نواز پنجاب کو خواتین کیلئے محفوظ تر بنائے گی۔ خالی اعلانات کرنا تو بہت آسان ہے، اس میں صرف زبان ہلانی پڑتی ہے۔ مگر اللہ کا شکر ہے کہ نواز شریف، شہباز شریف اور مریم نواز کی حکومت نے جو وعدے کیے، نہ صرف پورے کیے بلکہ بڑھ کر پورے کیے۔ آج، اللہ کے فضل سے، صرف ایک برس میں پنجاب میں ایسے ہسپتال قائم ہو چکے ہیں اور وہاں ایسا علاج ہو رہا ہے جو پورے پاکستان میں کہیں دستیاب نہیں۔

یہ بھی پڑھیں: مولانا فضل الرحمان کے چھوٹے بیٹے اسجد محمود پر حملے کا انکشاف

راولپنڈی سے مری ٹرین سروس

وزیراعلیٰ نے بتایاکہ بہت جلد راولپنڈی سے مری ٹرین سروس کا آغاز کیا جارہا ہے، لوگوں کو اپنی گاڑیوں پرنہیں آنا پڑیگا۔ مری کیلئے پندرہ گرین بسیں لائی جارہی ہیں، گرین بسیں آنے کے بعد طلبا، بزرگوں، خواتین، سپیشل افراد اس پر فری سفرکرسکیں گے۔

آنے والے منصوبوں کا ذکر

انہوں نے کہا کہ خالی اعلانات کرنا تو بہت آسان ہے، اس میں صرف زبان ہلانی پڑتی ہے۔ مگر اللہ کا شکر ہے کہ نواز شریف، شہباز شریف اور مریم نواز کی حکومت نے جو وعدے کیے، نہ صرف پورے کیے بلکہ بڑھ کر پورے کیے۔ آج، اللہ کے فضل سے، صرف ایک برس میں پنجاب میں ایسے ہسپتال قائم ہو چکے ہیں اور وہاں ایسا علاج ہو رہا ہے جو پورے پاکستان میں کہیں دستیاب نہیں۔