محسن نقوی کی وزیر اعلیٰ خیبر پختونخوا کی گمشدگی پر بے خبری کا ڈرامہ نہیں، بیرسٹر سیف

پشاور میں سیاسی ڈرامہ

پشاور (ڈیلی پاکستان آن لائن) خیبرپختونخوا حکومت کے ترجمان بیرسٹر سیف نے وزیر داخلہ محسن نقوی اور گورنر کے پی کی پریس کانفرنس پر تبصرہ کرتے ہوئے کہا کہ محسن نقوی اور فیصل کریم کنڈی نے میڈیا کے سامنے شاندار اداکاری کی، جبکہ گورنر فیصل کریم کنڈی پرائے کی شادی میں عبداللہ دیوانے بنے ہوئے ہیں۔

یہ بھی پڑھیں: شارجہ: آبِ زم زم کے نام پر عام پانی فروخت کرنے والا ملزم گرفتار

وزیر داخلہ کی ذمہ داری

بیرسٹر سیف کا کہنا ہے کہ ملک کے وزیر داخلہ ہونے کے ناطے محسن نقوی کی وزیر اعلیٰ خیبر پختونخوا کی گمشدگی کے بارے میں ناواقفیت صرف ڈرامہ بازی ہے۔ وزیراعلیٰ کی جبری گمشدگی کا براہ راست ذمہ دار وزیر داخلہ محسن نقوی ہے۔ کے پی ہاوس میں توڑ پھوڑ اس بات کا واضح ثبوت ہے کہ وزیراعلیٰ کو زبردستی حراست میں لیا گیا ہے۔

یہ بھی پڑھیں: جمشید دستی کی مبینہ جعلی اسناد کی تصویر منظر عام پر، 2020 میں ایف اے اور 2017 میں بی اے مکمل کیا

جمہوری اصولوں پر حملہ

ترجمان خیبرپختونخوا حکومت نے مزید کہا کہ کے پی ہاؤس میں منتخب وزیراعلیٰ پر حملہ فیڈریشن پر حملہ ہے۔ کے پی ہاؤس میں کی گئی توڑ پھوڑ کی مرمت نہیں کی جائے گی بلکہ یہ تاریخ کے طالب علموں کے لئے محفوظ رکھا جائے گا۔ ٹوٹی پھوٹی کھڑکیاں اور دروازے جمہوریت اور فیڈریشن کے منہ پر طمانچہ ہیں۔

یہ بھی پڑھیں: ابوبکر طلحہ اور بسمیل ضیا نے ایچیسن کالج جونیئر ٹینس چیمپئن شپ میں ٹائٹل جیت لیے

تاریخ میں سیاہ دھبہ

ان کا کہنا تھا کہ جعلی حکومت کی یہ مذموم حرکت جمہوریت اور فیڈریشن کے لئے ایک سیاہ دھبہ کے طور پر تاریخ میں یاد رکھی جائے گی۔ وزیر اعلیٰ کی جبری گمشدگی سے شنگھائی تعاون تنظیم کے غیر ملکی مہمانوں کو کیا پیغام ملے گا؟ غیر ملکی مہمان کیا سوچیں گے کہ پاکستان میں کیسی جمہوریت ہے؟

یہ بھی پڑھیں: مجھے گرفتار کیا گیا تو سینیٹر عرفان صدیقی میرے بچوں کے لیے کھانا لایا کرتے تھے، سینیٹر فلک ناز چترالی

خیبر پختونخوا اسمبلی کا اجلاس

بیرسٹر سیف نے کہا کہ جعلی وفاقی حکومت کی اوچھے ہتھکنڈوں کے بارے میں آج خیبر پختونخوا اسمبلی کا اجلاس بھی بلایا گیا ہے۔ صوبائی حکومت ایڈووکیٹ جنرل کے ذریعے عدالتی کارروائی کے لئے بھی اقدامات کر رہی ہے۔ اجلاس میں وزیراعلیٰ کی جبری گمشدگی اور کے پی ہاؤس توڑ پھوڑ کے بارے میں بحث کی جائے گی۔

پختون خوا کے لوگوں کی توہین

ان کا کہنا تھا کہ منتخب وزیراعلیٰ کی جبری گمشدگی پختون خوا کے لوگوں کی مینڈیٹ کی توہین ہے۔ اسمبلی اجلاس میں وزیراعلیٰ کی جبری گمشدگی اور جعلی حکومت کے غیر جمہوری اور فسطائیت کے خلاف لائحہ عمل مرتب کیا جائے گا۔