سعد رفیق نے شیر افضل مروت سے متعلق پیش گوئی درست ثابت ہونے کے بعد نومنتخب وزیراعلیٰ خیبرپختونخوا سہیل آفریدی کو بھی خبردار کردیا

سعد رفیق کی پیش گوئی

لاہور (ڈیلی پاکستان آن لائن) مسلم لیگ ن کے رہنما اور سابق وفاقی وزیر سعد رفیق نے شیر افضل مروت سے متعلق پیش گوئی درست ثابت ہونے کے بعد نومنتخب وزیراعلیٰ خیبرپختونخوا سہیل آفریدی کو بھی خبردار کردیا۔

یہ بھی پڑھیں: ہم آپ کے ساتھ چلیں گے، مولانا فضل الرحمان کا بلاول بھٹو کو فون

شیر افضل مروت سے ملاقات

سماجی رابطے کی ویب سائٹ ایکس پر اپنے بیان میں خواجہ سعد رفیق نے بتایا کہ شیر افضل مروت سے پہلی اتفاقیہ ملاقات چند ماہ پیشتر سپیکر چیمبر میں ہوئی، جہاں دیگر اراکین اسمبلی بھی موجود تھے۔ وہ جا رہے تھے اور میں آ رہا تھا۔ مصافحہ کے بعد میں نے ان سے کہا کہ اگر آپ بُرا نہ مانیں تو ایک بات کہہ دوں۔ بولے ضرور! میں نے عرض کیا کہ جب عمران خان جیل سے واپس آئیں گے تو جس شخص کو سب سے پہلے PTI سے نکالیں گے وہ شخصیت آپ ہوں گے۔

یہ بھی پڑھیں: نیپال میں کشیدہ صورتحال؛ وزیراعظم کے پی شرما اولی مستعفی ہوگئے

پیش گوئی کا درست ہونا

دو ماہ نہیں گزرے تھے کہ پارلیمنٹ لاجز میں گزرتے ہوۓ پھر آمنا سامنا ہو گیا، عمران خان شیر افضل صاحب کو پارٹی سے نکال چکے تھے۔ ہم نے ایک دوسرے کو دیکھتے ہی ہنسنا شروع کر دیا۔

یہ بھی پڑھیں: آئین کے آرٹیکل 8/3 میں کیا ہے؟ کیا سویلینز اس کے زمرے میں آتے ہیں؟ جسٹس مسرت ہلالی کا استفسار

مڈل کلاس کی سیاست

شیر افضل نے کہا کہ آپکی پیش گوئی وقت سے پہلے ہی پوری ہو گئی۔ میں نے پوچھا اتنا جلدی کیسے ہوا؟ بتایا کہ میرا اخراج خان صاحب کی ہمشیرہ اور اہلیہ کی باہمی گروپنگ نہ جوائن کرنے کا شاخسانہ ہے۔

لیگی رہنما کا کہنا ہے کہ مڈل کلاس سے تعلق رکھنے والے خیبر پختونخوا کے نئے وزیر اعلٰی بھولے بادشاہ لگتے ہیں، وہ بھی عشق ِ عمران میں مبتلا ہیں۔ یہ کم بخت مڈل کلاس سے سیاسی کارکن straight fighter ہوتے ہیں، لیڈر اور جماعت کے عشق میں لڑتے لڑتے تنِ تنہا تلوار سونت کر مخالف کی صفوں میں گھُس جاتے ہیں اور سب سے پہلے مارے جاتے ہیں۔ خوش قسمتی سے بچ کر واپس آ جائیں تو اپنے مار دیتے ہیں۔

سازشوں کی سیاست

سعد رفیق نے مزید کہا کہ ان غیر منظم اور نیم جمہوری جماعتوں میں سازشی جیتتے ہیں، تلخ سچ بولنے والے نہیں۔ مڈل کلاسیوں کو تھپکی لڑنے کیلئے دی جاتی ہے حکمرانی کے لئے نہیں۔ وقت آنے پر سہیل آفریدی کے عشق کا بھوت خود عمران خان صاحب ہی اتاریں گے۔ مشتری ہوشیار باش۔

محترم شیر افضل مروت سے پہلی اتفاقیہ ملاقات چند ماہ پیشتر سپیکر چیمبر میں ہوئی، وہاں دیگر اراکین اسمبلی بھی موجود تھے
وہ جا رہے تھے اور میں آ رہا تھا
مصافحہ کے بعد میں نے ان سے کہا کہ اگر آپ بُرا نہ مانیں تو ایک بات کہہ دوں، بولے ضرور!

عرض کیا جب عمران خان جیل سے واپس آئیں…

— Khawaja Saad Rafique (@KhSaad_Rafique) October 15, 2025