پشاور ہائیکورٹ نے نومنتخب وزیراعلیٰ خیبرپختونخوا کے انتخاب کیخلاف درخواست پر محفوظ فیصلہ سنا دیا

پشاور ہائیکورٹ کا فیصلہ

پشاور(ڈیلی پاکستان آن لائن) پشاور ہائیکورٹ نے نومنتخب وزیراعلیٰ خیبرپختونخوا کے انتخاب کیخلاف درخواست پر محفوظ فیصلہ سنا دیا۔ جسٹس سید ارشد علی اور جسٹس وقار احمد نے فیصلہ سنایا۔

یہ بھی پڑھیں: حافظ طاہر محمود اشرفی کی مسلم لیگ (ق) کے سربراہ چوہدری شجاعت حسین سے ملاقات

درخواست خارج

نجی ٹی وی چینل دنیا نیوز کے مطابق نومنتخب وزیراعلیٰ خیبرپختونخوا کے انتخاب کیخلاف درخواست خارج کر دی گئی، جے یو آئی نے وزیراعلیٰ کے انتخاب کو چیلنج کیا تھا۔

یہ بھی پڑھیں: سری لنکا نے دوران سیریز پاکستان کا دورہ ختم کرنے کا فیصلہ کرلیا

سماعت کی تفصیلات

قبل ازیں پشاور ہائیکورٹ میں نومنتخب وزیراعلیٰ کے انتخاب کے خلاف جے یو آئی کی درخواست پر سماعت ہوئی۔ سلمان اکرم راجہ نے کہاتھا کہ گورنر نے کہا ہے آج نومنتخب وزیراعلیٰ سے حلف لیں گے، عدالت نے کہا ہمیں پتہ ہے لیکن درخواست گزار کے وکیل کو سنتے ہیں، وہ کیا کہتے ہیں۔

یہ بھی پڑھیں: امریکہ نے قطر میں اپنے شہریوں کو اہم ہدایت جاری کردی

درخواست گزار کا موقف

وکیل درخواست گزار نے کہاکہ علی امین گنڈاپور کا استعفیٰ منظور نہیں ہوا، استعفیٰ منظور ہونے کے بعد وزیراعلیٰ کا انتخاب ہوتا ہے، کابینہ کو ابھی تک ڈی نوٹیفائی نہیں کیا گیا۔

یہ بھی پڑھیں: امریکہ اور اسرائیل شیعہ سنی لڑائی کروانا چاہتا ہے، ایران کی آڑ میں یہود و نصاریٰ کا اصل نشانہ ایٹمی طاقت پاکستان ہے، حافظ طاہر محمود اشرفی

عدالت کا سوال

جسٹس سید ارشد علی نے کہاکہ وزیراعلیٰ استعفیٰ دیتا ہے تو پھر کابینہ تو ویسے بھی نہیں رہتی۔ عدالت نے وکیل سے استفسار کیا کہ درخواست خارج کردیں یا آپ واپس لیں گے؟ آئینی فورم نے ایک آرڈر کیا تو ہم کیسے اس میں مداخلت کریں؟

یہ بھی پڑھیں: جہانگیر بدر کی یاد میں دعائیہ تقریب کا اعلان

درخواست کا نتیجہ

سلمان اکرم راجہ نے کہاکہ چیف جسٹس کا آرڈر نظرانداز نہیں کیا جا سکتا، گورنر نے شیڈول جاری کیا، درخواست غیرموثر ہو گئی۔

آخری سماعت

وقفے کے بعد درخواست پر دوبارہ سماعت ہوئی تو وکیل درخواست گزار نے کہاکہ آپ میرٹ پر فیصلہ دیں، عدالت نے جے یو آئی کی درخواست پر فیصلہ محفوظ کرلیا تھا۔ بعد ازاں عدالت نے محفوظ فیصلہ سناتے ہوئے نومنتخب وزیراعلیٰ کے انتخاب کے خلاف جے یو آئی کی درخواست خارج کردی۔