لاہور میں ’’دھی رانی پروگرام‘‘ کے تحت اجتماعی شادیوں کی تقریب ، 103بیٹیوں کی رخصتی ، وزراء اور معززین کی شرکت

اجتماعی شادیوں کی شاندار تقریب

لاہور (ڈیلی پاکستان آن لائن) پنجاب حکومت کے فلاحی منصوبے ’’دھی رانی پروگرام‘‘ کے تحت لاہور میں ایک عظیم الشان اجتماعی شادیوں کی تقریب ہوئی، جس میں 103 بیٹیاں باعزت طریقے سے اپنے نئے گھروں کو رخصت ہوئیں۔ ان میں 18 اقلیتی بیٹیاں اور ایک خصوصی بیٹی بھی شامل تھیں۔

یہ بھی پڑھیں: پہلا ون ڈے: انگلینڈ 131 رنز پر ڈھیر، جنوبی افریقہ کی سات وکٹ سے فتح

مہمانِ خصوصی کی شرکت

تقریب میں صوبائی وزیر سوشل ویلفیئر و بیت المال سہیل شوکت بٹ اور صوبائی وزیر کھیل فیصل ایوب کھوکھر نے بطورِ مہمانِ خصوصی شرکت کی۔

یہ بھی پڑھیں: کراچی سمیت صوبہ سندھ میں آج بھی موسم گرم اور خشک رہنے کا امکان

وزیر کا خطاب

تقریب سے خطاب کرتے ہوئے صوبائی وزیر سہیل شوکت بٹ نے کہا کہ ’’میں بطور وزیر اپنی بہنوں اور بیٹیوں کو دھی رانی پروگرام میں شادی کی مبارک باد پیش کرتا ہوں۔ یہ وزیرِ اعلیٰ پنجاب مریم نواز کا تاریخ ساز اقدام ہے، جس نے اُن بیٹیوں کی ترجمانی کی ہے جو برسوں سے آنکھوں میں خواب سجائے اپنے گھروں میں بیٹھی تھیں۔ دھی رانی پروگرام کے ذریعے وزیرِ اعلیٰ مریم نواز نے ان والدین کا بوجھ بانٹا ہے جو اپنی شرعی ذمہ داری پوری کرنے کے لیے پریشان رہتے تھے۔ یہ پروگرام کبھی نہ ختم ہونے والی دعاؤں کی بنیاد رکھ رہا ہے۔‘‘

انہوں نے مزید کہا کہ ’’ماضی میں بھی وزرائے اعلیٰ آئے، مگر اس سطح کا عوامی اور فلاحی منصوبہ کسی نے نہیں دیا۔ وزیرِ اعلیٰ مریم نواز کا ویژن ہے کہ کام باتوں سے نہیں بلکہ عمل سے ہوتے ہیں۔ مریم نواز نے وعدہ نہیں، عمل کر دکھایا ہے۔ ریاست کے وسائل عوام کی امانت ہیں، اور آج پنجاب حکومت نے یہ ثابت کر دیا ہے کہ عوام کا پیسہ عوام کے خوابوں کی تکمیل کے لیے استعمال ہو سکتا ہے۔ دھی رانی پروگرام خوابوں کی تعبیر اور بیٹیوں کی عزت کا نشان بن چکا ہے۔‘‘

انہوں نے واضح کیا کہ ’’اس سال 5 ہزار اجتماعی شادیاں منعقد کی جائیں گی، اور اگر دس یا پندرہ ہزار درخواستیں بھی موصول ہوئیں تو وزیرِ اعلیٰ نے کہا ہے کہ ہر بیٹی کی شادی کرائی جائے گی۔ مسلم بیٹیاں ہوں یا اقلیتی برادری کی، سب کو برابر کا پروٹوکول دیا جائے گا۔ دھی رانی پروگرام سادگی، شفافیت اور عزت کی اعلیٰ مثال ہے۔‘‘

یہ بھی پڑھیں: 3 دن میں اسلام آباد پہنچے، 3 منٹ میں بھاگ گئے: سینئر وزیر سندھ ناصر حسین شاہ

صوبائی وزیر کھیل کا پیغام

صوبائی وزیر کھیل فیصل ایوب کھوکھر نے اپنے خطاب میں کہا کہ ’’آج پنجاب کی عوام دیکھ رہی ہے کہ وزیرِ اعلیٰ مریم نواز نے وہ کر دکھایا ہے جس کا خواب دیہاتوں کی ماؤں اور بیٹیوں نے دیکھا تھا — عزت کی حفاظت اور باعزت زندگی کا آغاز۔ یہ صرف وسائل نہیں بلکہ محبت، احساس اور خلوص کا نتیجہ ہے۔ ایک بیٹی نے وزیرِ اعلیٰ بن کر بیٹیوں کی طرح سوچا ہے۔ یہ کسی پر احسان نہیں بلکہ عوام کا حق ہے، کیونکہ یہ پیسہ عوام ہی کا ہے جو انہی پر خرچ ہو رہا ہے۔ وزیرِ اعلیٰ کے سینکڑوں عوامی منصوبے جاری ہیں، مگر دو ایسے ہیں جن کا اجر صرف اللہ دے سکتا ہے — دھی رانی پروگرام اور خواتین کے تحفظ کا نظام۔ اب کسی کو خواتین کی طرف میلی آنکھ سے دیکھنے کی جرأت نہیں۔ پہلی بار پنجاب میں ایسی قیادت آئی ہے جو خواتین کے وقار کی محافظ ہے۔‘‘

سابقہ حکومتوں پر تنقید

انہوں نے سابقہ حکومتوں پر تنقید کرتے ہوئے کہا کہ ’’ماضی میں شادیوں کے نام پر ہونے والے پروگرام کرپشن کے گڑھ بن چکے تھے، لیکن آج کا یہ شفاف پروگرام خدمت اور خلوص کی مثال ہے۔ میں آج بطور باراتی اس تقریب میں شامل ہوں اور ان خوش نصیب جوڑوں کو خوشیوں بھری زندگی کی دعا دیتا ہوں۔‘‘