وزیرداخلہ کا ٹی چوک فلائی اوور منصوبے کا دورہ، مسافروں کو دارالحکومت تک سگنل فری رسائی ملے گی: محسن نقوی

وزیر داخلہ کی ٹی چوک فلائی اوور منصوبے کا دورہ

اسلام آباد(ڈیلی پاکستان آن لائن) وفاقی وزیرداخلہ محسن نقوی نے ٹی چوک فلائی اوور منصوبے کا دورہ کیا۔ وزیرداخلہ نے میگا پراجیکٹ پر تعمیراتی کاموں کی پیش رفت کا جائزہ لیا۔

یہ بھی پڑھیں: شیر افضل مروت نے زہر دیئے جانے کی خبروں پر خاموشی توڑ ڈالی

پروجیکٹ کی تعمیراتی پیش رفت

وزیرداخلہ محسن نقوی نے ترقیاتی کاموں کے معیار اور رفتار کا معائنہ کیا۔ منصوبے کی پائلز، پائلز کیپ اور گرڈرز کاسٹنگ کا 100 فیصد کام مکمل کیا گیا ہے جبکہ پراجیکٹ کی حفاظتی دیواروں کا 60 فیصد کام بھی مکمل ہو چکا ہے۔

یہ بھی پڑھیں: خاندانی اور معاشرتی نظام بکھر رہا ہے

وزیر داخلہ کی ہدایات

وزیر داخلہ محسن نقوی نے ترقیاتی کاموں کی پیش رفت پر اطمینان کا اظہار کیا اور ہدایت کی کہ مستقبل میں جی ٹی روڈ کی توسیع کو مدنظر رکھتے ہوئے منصوبے کی تکمیل کی جامع منصوبہ بندی کی جائے۔ انہوں نے منصوبے کے اردگرد دیدہ زیب لینڈ سکیپنگ اور ہارٹیکلچر کے اقدامات کی بھی ہدایت کی۔

یہ بھی پڑھیں: پی ٹی آئی کے الزامات پر الیکشن کمیشن کا ردعمل سامنے آگیا

منصوبے کی اہمیت

وزیر داخلہ نے کہا کہ منصوبے کو بروقت اور اعلیٰ معیار کے ساتھ مکمل کیا جائے گا۔ ترقیاتی منصوبوں میں معیار پر کوئی سمجھوتہ نہیں کیا جائے گا۔ ٹی چوک فلائی اوور منصوبے کی تکمیل کے بعد جی ٹی روڈ سے آنے والے مسافروں کو دارلحکومت تک سگنل فری رسائی ملے گی۔ عوامی سہولت اور خدمت ہمارا سب سے بڑا مقصد ہے۔

منصوبے پر بریفنگ

وزیر داخلہ کو منصوبے پر جاری ترقیاتی کام کے بارے میں تفصیلی بریفنگ دی گئی۔ بتایا گیا کہ منصوبے کا کام ٹائم لائن کے مطابق جاری ہے اور یہ مقررہ مدت میں مکمل کیا جائے گا۔ اس موقع پر آئی جی اسلام آباد پولیس، ڈی سی اسلام آباد، ممبران سی ڈی اے اور دیگر حکام بھی موجود تھے۔