ایک اور بڑی کامیابی، پکتیکامیں گل بہادر گروپ کے خلاف کارروائی، خوارج کمانڈر سمیت 70 سے زائد دہشتگرد ہلاک، سیکیورٹی حکام

پاکستان کی کامیابی افغانستان میں

لاہور (طیبہ بخاری سے) سے ایک اور بڑی کامیابی کی خبر آئی ہے۔ افغانستان کے صوبہ پکتیکا میں 17 اکتوبر کی رات ہونے والی پاکستان کی کارروائی میں اہم خارجی سرغنہ سمیت گل بہادر گروپ کے 70 سے زائد خارجی ہلاک ہوئے۔

یہ بھی پڑھیں: امیتابھ اور ابھیشیک نے ایک ہی دن ایک ہی عمارت میں 10 اپارٹمنٹس خریدلئے

کارروائی کی تفصیلات

سیکیورٹی حکام کے مطابق 17 اکتوبر کی رات پکتیکا میں خارجی گل بہادر گروپ کے دہشت گردوں کے خلاف کارروائی کی گئی، جس میں دہشت گرد ٹھکانوں کو مؤثر انداز میں نشانہ بنایا گیا۔ انٹیلی جنس ذرائع کی مصدقہ اطلاعات کے مطابق مؤثر سٹرائیکس میں گل بہادر گروپ کے 70 سے زائد خارجی ہلاک ہوئے، جن میں ایک اہم خارجی سرغنہ بھی شامل تھا۔

یہ بھی پڑھیں: یو ایس ایڈ پروگرام کے اعلیٰ سطحی وفد کا پی ڈی ایم اے پنجاب کا دورہ

خطرہ اور تشدد کے واقعات

سیکیورٹی حکام کا کہنا ہے کہ خارجی گل بہادر گروپ پاکستان میں دہشت گردی کی بڑی اور متعدد وارداتوں میں ملوث ہے۔ یہ خارجی گروپ افغانستان سے پاکستان میں داخل ہوکر دہشت گرد حملوں میں سرگرم ہیں۔ 17 اکتوبر کو خادی، شمالی وزیرستان میں بھی اسی گروپ نے بارود سے بھری گاڑی کے ذریعے حملہ کیا، جس میں 3 خواتین، 2 بچے اور ایک جوان شہید ہوگئے۔

یہ بھی پڑھیں: سونے کی فی تولہ قیمت میں ہزاروں روپے اضافہ

ہلاک شدگان کی شناخت

سیکیورٹی حکام کے مطابق 17 اکتوبر کی رات ٹارگٹڈ اسٹرائیکس میں خارجی فرمان عرف الکرامہ، خارجی صدیق اللہ داوڑ، غازی مداخیل، مقرب، قسمت اللہ، خوارج عاشق اللہ عرف کوثر، یونس، گلاب عرف دیوانہ، عادل اور فضل الرحمان بھی ہلاک ہوئے۔ ہلاک شدہ دہشت گرد فضل الرحمان گل بہادر کا قریبی رشتہ دار ہے۔

اہم کامیابی

سیکیورٹی حکام کا کہنا ہے کہ ان خوارج کا مارا جانا ایک اہم اور بڑی کامیابی ہے۔