سی وی کلاک ٹاور کے عقب سے ملنے والی خاتون کی لاش کی شناخت کر لی گئی

خاتون کی لاش کی شناخت

کراچی(ڈیلی پاکستان آن لائن) سی ویو کلاک ٹاور کے عقب سے ملنے والی خاتون کی لاش کی شناخت سحرش حسن رضا شاہ کے نام سے کرلی گئی۔ خاتون کا تعلق مجاہد نگر شیخوپورہ سے ہے۔

یہ بھی پڑھیں: اردن کے بادشاہ شاہ عبداللہ دوم کا دورہ پاکستان، فضائی حدود میں داخلے پر پاک فضائیہ کے جنگی جہازوں کی جانب سے پرتپاک استقبال، سلامی دی

لاش کی دریافت

نجی ٹی وی چینل ایکسپریس نیوز کے مطابق بدھ کو درخشاں تھانے کے علاقے سی ویو کلاک ٹاور کے عقب سے نامعلوم خاتون کی ڈوبی ہوئی لاش ملی تھی، جسے پولیس نے تحویل میں لینے کے بعد قانونی کارروائی کیلئے جناح ہسپتال منتقل کیا۔

یہ بھی پڑھیں: سعودی مارکیٹ میں ٹیسلا کی انٹری، الیکٹرک گاڑیوں کی دوڑ میں نیا موڑ آگیا

شناخت کا عمل

فوری طور پر خاتون کی شناخت ممکن نہیں ہو سکی تھی، جس پر پولیس نے خاتون کے فنگر پرنٹس نادرا حکام کو ارسال کیے تھے۔ گزشتہ روز خاتون کی شناخت 36 سالہ سحرش حسن رضا شاہ دختر حسن رضا شاہ کے نام سے کی گئی۔

یہ بھی پڑھیں: بعض قلی اتنے ضعیف اور نڈھال ہوتے ہیں کہ سامان اٹھا کر لڑ کھڑاتے پھرتے ہیں دھڑکا لگا رہتا ہے کہیں خود ہی نہ گر جائیں یا سامان نیچے نہ پھینک دیں

پولیس کی کارروائی

درخشاں پولیس کے مطابق خاتون کا تعلق درج پتے کے مطابق مجاہد نگر شیخوپورہ سے ہے۔ ریکارڈ سے ملنے والے تمام فون نمبرز پر رابطہ کرنے کی کوشش کی گئی لیکن تمام موبائل فونز نمبر بند ہونے کے بعد نادرا حکام سے خاتون کی فیملی ٹری کی درخواست کی گئی ہے۔

یہ بھی پڑھیں: بھارت کی آبی جارحیت، دریائے چناب پر متنازعہ پن بجلی منصوبے کی منظوری

تفتیش کی صورتحال

پولیس حکام نے بتایا کہ خاتون سحرش کی لاش ملنے کے بعد سے کسی نے اب تک رابطہ نہیں کیا ہے۔ خاتون شہر میں کہاں رہتی تھی؟ معلومات اکٹھی کی جا رہی ہیں۔

خودکشی یا قتل؟

درخشاں پولیس کا کہنا ہے کہ خاتون کو قتل کرنے کے شواہد نہیں ملے۔ خاتون کی موت ڈوبنے کی وجہ سے ہوئی تاہم پولیس واقعے کے حوالے سے مزید تفتیش کر رہی ہے۔