ممکن ہے کہ بھارت کو ایشیاء کپ ٹرافی نومبر کے پہلے ہفتے میں دی جائے

ایشیا کپ ٹرافی کی تقریبات

دبئی (ڈیلی پاکستان آن لائن) بھارت کو ایشیاء کپ ٹرافی نومبر کے پہلے ہفتے میں دئیے جانے کا امکان ہے۔ ایشین کرکٹ کونسل نے بھارتی کرکٹ بورڈ کو آگاہ کردیا۔ ایشیا کپ ٹرافی کے لئے تقریب 10 نومبر کو ہوگی۔

یہ بھی پڑھیں: سابق ٹینس اسٹار راجر فیڈرر دنیا کے 7ارب پتی پلیئرز کی صف میں شامل، مجموعی دولت کا تخمینہ 1.1 ارب ڈالر

بی سی سی آئی کی درخواست کا جواب

نجی ٹی وی سما نیوز کے مطابق ذرائع کا کہنا ہے کہ ایشین کرکٹ کونسل نے بی سی سی آئی کے خط کا جواب دے دیا۔ بھارتی کرکٹ بورڈ نے ایشیاء کپ ٹرافی کے معاملے پر اے سی سی کے صدر کو خط لکھا تھا۔ ایشین کرکٹ کونسل نے بی سی سی آئی کو نومبر کے پہلے ہفتے کا وقت دیا ہے۔

یہ بھی پڑھیں: سبی اور اطراف میں زلزلے کے جھٹکے

ٹرافی کی وصولی کا موقع

ذرائع کے مطابق اے سی سی نے جوابی خط میں کہا کہ کبھی ٹرافی بھارتی ٹیم کو دینے سے انکار نہیں کیا، اے سی سی آج بھی اسی موقف پر قائم ہے کہ اے سی سی کے دفتر میں آکر ٹرافی لے۔ ایشین کرکٹ کونسل نے بھارتی بورڈ کو 10 نومبر کو آنے کی دعوت دیدی۔

بھارتی ٹیم کا انکار

یاد رہے کہ بھارتی ٹیم نے ایشیاء کپ کے فائنل میں صدر اے سی سی محسن نقوی سے ٹرافی لینے سے انکار کیا تھا۔