ویسٹ انڈیز نے ون ڈے کرکٹ کی 54 سالہ تاریخ میں ایک منفرد ریکارڈ اپنے نام کر لیا

ویسٹ انڈیز کا منفرد ریکارڈ

ڈھاکہ(ڈیلی پاکستان آن لائن) دو مرتبہ کی عالمی چیمپئن ویسٹ انڈیز نے ون ڈے کرکٹ کی 54 سالہ تاریخ میں ایک منفرد ریکارڈ اپنے نام کر لیا۔ یہ دنیا کی پہلی ٹیم بن گئی ہے جس نے ایک ون ڈے میچ میں تمام 50 اوورز اسپنرز سے کرائے۔

یہ بھی پڑھیں: وزیراعلیٰ ہاؤس کراچی میں اجلاس، ملیر جیل سے 200 سے زائد قیدیوں کے فرار پر آئی جی جیل خانہ جات کو عہدے سے ہٹا دیا گیا

تاریخی میچ کی تفصیلات

یہ تاریخی کارنامہ بنگلہ دیش کے خلاف میرپور میں کھیلی گئی تین میچز کی سیریز کے دوسرے ون ڈے میں انجام دیا گیا۔ ویسٹ انڈیز نے میچ میں پانچ اسپنرز عقیل حسین، روسٹن چیز، کھارے پیئر، گداکیش موتی اور ایلیک اتھانازی کو بولنگ کے لیے استعمال کیا، جنہوں نے مل کر پورے 50 اوورز مکمل کیے۔

پہلے کے ریکارڈز

اس سے قبل، سری لنکا نے 1996 میں ویسٹ انڈیز کے خلاف، 1998 میں نیوزی لینڈ کے خلاف اور 2004 میں آسٹریلیا کے خلاف 44 اوورز اسپنرز سے کرائے تھے، لیکن 50 اوورز کا یہ ریکارڈ ویسٹ انڈیز نے پہلی بار قائم کیا۔