شام کو جم خانہ آئیں، گپ شپ رہے گی، سارے مسئلے بھی حل کر لیں گے

مصنف کی معلومات

مصنف: شہزاد احمد حمید
قسط: 326

یہ بھی پڑھیں: پاکستان کا جنگ بندی میں امریکی کردار کا اعتراف لیکن بھارت اس کردار کو کیوں قبول نہیں کر رہا؟

کہانی کا آغاز

بڑے گھروں اور دفتروں کے چھوٹے لوگ؛ لاہور ملتان روڈ پر ایک چھوٹا سا کارخانہ ہوا کرتا تھا جہاں موٹروں کی بڑی معیاری "ہیڈ گیس کٹ" تیار کی جاتی تھیں۔ اس کارخانے کے مالک اپنے کام میں اتنے ماہر تھے کہ آپ انہیں کسی بھی موٹر کی ہیڈ گیس کٹ دکھا کر بنوا سکتے تھے۔ میں نے بھی ایک بار ان سے اپنی موٹر کی ہیڈ گیس کٹ بنوائی تھی۔ یہ کارخانہ ملتان روڈ کی بڑی پرائم لوکییشن پر تھا اور اسی جائیداد کے چکر میں ان کے کسی عزیز نے انہیں قتل کر دیا۔

یہ بھی پڑھیں: ٹرمپ نے نیوکلیئر آبدوزیں روس کے قریب تعینات کرنے کا حکم دے دیا

خاندان اور پولیس کا کردار

ان کی 2 بیٹیاں تھیں اور دونوں ہی اچھی صورت و شکل کی تھیں۔ یہ کسی وساطت سے صاحباٹھ گیا سے ملیں اور پولیس گارڈ کی درخواست کی جو مہیا کر دی گئی۔ ایک روز بہت دنوں کے بعد دفتر آئی تو کچھ پریشان سی تھی۔ میں نے پوچھا؛ "میڈم بڑے دنوں بعد آنا ہوا۔ خیر تھی۔ آپ کے والد کے مقدمے کا کیا بنا؟" بتانے لگی؛ "پولیس گارڈ واپس لے لی گئی ہے۔ اسی سلسلے میں صاحب سے ملنے آئی ہوں۔ کل میں ڈی آئی جی سے ملی تھی۔(میرے ذہن سے ڈی آئی جی کا نام نکل گیا ہے۔) وہ ہمدردی سے ملے۔ کہنے لگے؛ "شام کو کیا کرتی ہیں آپ؟" میں نے جواب دیا؛ "سر! کچھ خاص نہیں۔ گھر پر ہی ہوتی ہوں۔" بولے؛ "شام کو جم خانہ آئیں۔ گپ شپ بھی رہے گی اور سارے مسئلے بھی حل کر لیں گے۔ شہزاد صاحب! ان بڑے دفتروں میں چھوٹے لوگ بیٹھتے ہیں۔"

یہ بھی پڑھیں: سعد رفیق نے این اے 129 لاہور کے ضمنی انتخابات میں حصہ لینے سے معذرت کی

دفتر کی بات چیت

صاحب دفتر آئے تو میں نے انہیں یہ بات بتائی۔ بولے؛ " لوگوں کا ہمارے دفتر پر اعتماد ہے۔ ویسے تو سرکاری دفاتر میں تو اخلاقیات کا جنازہ ہی نکل چکا بلکہ اخلاقیات کو دفن ہی دیا گیا ہے۔"

یہ بھی پڑھیں: پی سی بی نے سمیر احمد سید کو چیف آپریٹنگ آفیسر مقرر کر دیا، سلمان نصیر پی ایس ایل کے سی ای او مقرر

بی بی بشریٰ گردیزی

بی بی بشریٰ گردیزی؛ مخصوص نشستوں پر منتخب ہونے والی ایم پی اے پارلیمانی سیکرٹری برائے داخلہ تھیں۔ بہاول پور کے معزز گردیزی خاندان سے تعلق تھا اور حسن و خوبصورتی بھی لاجواب تھی۔ کنیرڈ کالج نے اس پری چہرہ کا حسن نکھار کر مستانہ کر دیا تھا۔ یہ ہمیشہ کالا برقعہ اور نقاب پہن کر ہی آتی تھیں۔ آدھے محکموں کے سیکرٹری ان کے ساتھ کافی پینے کو ترستے تھے۔ کونونٹ سکول اور کنیرڈ کالج نے ان کی انگریزی زبان پر مہارت مسلمہ کر دی تھی جبکہ مادری زبان سرائیکی ان کے منہ سے سننے والے کو سحر میں جکڑ لیتی تھی۔ میں کیا پوری اسمبلی ان کی دیوانی تھی۔ میرا دیوانہ پن ہی ایک روز انہیں ان کے میاں کے ساتھ میرے گھر لے آیا۔ میری بیگم انہیں ملنے کے بعد مجھے بولی؛ "میں نے زندگی بھر اتنی حسین عورت نہیں دیکھی۔" یہ ایک عورت کا دوسری کو compliment تھا۔

یہ بھی پڑھیں: عدالتی فیصلے کے بعد ہمیں کسی کو روکنے کی ضرورت نہیں ، عمران خان خود نہیں ملنا چاہتے: طلال چودھری

مشکلات اور گوشہ نشینی

انہیں طلاق کا غم بھی اٹھانا پڑا جو ہمارے معاشرے میں کسی بھی عورت کے لئے داغ سمجھا جاتا ہے۔ بہاول پور پوسٹنگ کے دوران انہیں بہت تلاش کیا لیکن ناکام رہا۔ مجھے پتہ چلا کہ طلاق کے بعد انہوں نے گوشہ نشینی اختیار کر لی تھی۔ غم انسان کو مار دیتا ہے۔(جاری ہے)

نوٹ

یہ کتاب "بک ہوم" نے شائع کی ہے (جملہ حقوق محفوظ ہیں)۔ ادارے کا مصنف کی آراء سے متفق ہونا ضروری نہیں۔