یورپ اور یوکرین کا جنگ بندی کے لیے 12 نکاتی امن منصوبہ تیار، ٹرمپ کی سربراہی میں امن بورڈ تشکیل دینے کی تجویز

یوکرین اور یورپی ممالک کا 12 نکاتی امن منصوبہ

برسلز/کیف (ڈیلی پاکستان آن لائن) یورپی ممالک اور یوکرین نے روس کے ساتھ جاری جنگ کے خاتمے کے لیے 12 نکاتی امن منصوبہ تیار کر لیا ہے، جس کے تحت جنگ کو موجودہ محاذی لائنوں پر روکنے کی تجویز دی گئی ہے۔

یہ بھی پڑھیں: زرمبادلہ کی دونوں مارکیٹوں میں ڈالر کی قیمت بڑھ گئی

امن بورڈ کی نگرانی

بلومبرگ کے مطابق اس منصوبے کی نگرانی ایک امن بورڈ کرے گا جس کی سربراہی امریکی صدر ڈونلڈ ٹرمپ کریں گے۔ منصوبے میں شامل تجاویز کے تحت روس اور یوکرین دونوں فریق جنگ بندی پر رضامندی ظاہر کریں گے اور مزید علاقائی پیش قدمی سے گریز کریں گے۔

یہ بھی پڑھیں: ایران، پاکستان، سعودیہ، ترکیہ، مل کر اتحاد بنا سکتے ہیں، ایرانی سفیر رضا امیری مقدم

منصوبے کی اہم شقیں

منصوبے میں روس کی جانب سے جبری طور پر لے جائے گئے تمام بچوں کی واپسی، قیدیوں کا تبادلہ، اور یوکرین کو سیکیورٹی ضمانتوں اور جنگی نقصانات کے ازالے کے لیے فنڈز فراہم کرنے کی شقیں شامل ہیں۔ اس کے ساتھ، یوکرین کو یورپی یونین میں تیز رفتار شمولیت کا راستہ دینے کی بھی تجویز دی گئی ہے۔

یہ بھی پڑھیں: مورو احتجاج میں شرپسند افراد شامل تھے جن کے پاس دھماکا خیز مواد موجود تھا، شرجیل میمن

روسی پابندیاں

روس پر عائد پابندیاں بتدریج نرم کی جائیں گی، تاہم روس کے 300 ارب ڈالر کے منجمد اثاثے اسی صورت میں واپس کیے جائیں گے جب ماسکو یوکرین کی تعمیرِ نو میں مالی تعاون پر آمادہ ہوگا۔

یہ بھی پڑھیں: بھارت: بیوی پر تیزاب ڈال کر زندہ جلانے والے شوہر کو سزائے موت سنا دی گئی

قبضے میں موجود علاقے

ذرائع کے مطابق، ماسکو اور کیف کے درمیان قبضے میں موجود علاقوں کی آئندہ حیثیت پر مذاکرات ہوں گے، تاہم یورپ اور یوکرین ان علاقوں کو قانونی طور پر روسی حصہ تسلیم نہیں کریں گے۔

یہ بھی پڑھیں: چین کبھی بھی کسی ملک کو چیلنج کرنے یا اس کی جگہ لینے کی کوشش نہیں کرتا بلکہ اپنے کام کو بہتر کرنے پر توجہ دیتا ہے، چینی صدر

امریکی صدر کا بیان

امریکی صدر ٹرمپ نے حالیہ بیان میں کہا کہ “دونوں ممالک کو وہیں رک جانا چاہیے جہاں اب ہیں، مزید خونریزی بند کریں اور بعد میں علاقے پر بات کریں۔”

یہ بھی پڑھیں: کراچی میں موسم گرم رہنے کی پیشگوئی

یورپی رہنماؤں کا مؤقف

یورپی رہنماؤں نے بھی موجودہ محاذی لائنوں پر فوری جنگ بندی کی حمایت کا اعلان کیا ہے، جبکہ جمعے کو “کوالیشن آف دی وِلنگ” کے اتحادی ممالک کی میٹنگ طلب کر لی گئی ہے۔

یوکرینی صدر کی امیدیں

یوکرینی صدر ولادیمیر زیلینسکی نے کہا کہ “ہم جنگ کے ممکنہ اختتام کے قریب پہنچ گئے ہیں، اگرچہ حتمی نہیں کہا جا سکتا، لیکن صدر ٹرمپ کی کوششوں نے امن کی امید پیدا کی ہے।”