آج لاہور میں فضائی معیار بہتر رہنے کا امکان، اینٹی سموگ آپریشن پوری قوت سے جاری ہے : سینئر وزیر مریم اورنگزیب

ہوا کا معیار بہتر ہونے کا امکان

لاہور (ڈیلی پاکستان آن لائن) پنجاب حکومت کے اقدامات اور ہوا کی کم رفتار کے نتیجے میں آج لاہور میں ہوا کا معیار نسبتاً بہتر رہنے کا امکان ہے۔ مشرق سے مغرب کی طرف چلنے والی ہواؤں سے لاہور میں اے کیو آئی کی اوسط سطح 220 سے 240 کے درمیان رہنے کا امکان ہے۔

یہ بھی پڑھیں: یہ ایک لڑکی ہے جس کے بالوں کا رنگ تمہارے جیسا ہے: اپنی بیٹی کو مار کر بوائے فرینڈ کو میسج کرنے والی لڑکی کی کہانی

آلودگی کی وجوہات اور حکومتی اقدامات

تفصیلات کے مطابق بھارت میں گزشتہ روز دیوالی پر آتش بازی اور پرالی جلانے سے پیدا ہونے والی سموگ ہواؤں کے ذریعے لاہور اور پنجاب کے دیگر شہروں میں آلودگی کا سبب بنی تھی۔ پنجاب حکومت کے اینٹی سموگ آپریشن سے صورتحال کو کنٹرول کیا گیا جس کے اثرات آج لاہور میں بہتر ہوا کی کیفیت کی صورت میں ظاہر ہوں گے۔ ہوا کی رفتار 3 سے 8 کلومیٹر فی گھنٹہ رہے گی، صبح کے وقت درجہ حرارت کم اور بارش نہ ہونے کا امکان ہے۔ رات کے اوقات میں ہوا کا معیار خراب ہونے کا خدشہ ہے، شام کے وقت، ٹریفک کے دباؤ، کمرشل گاڑیوں کی آمدورفت، گرد وغبار، اور بھارت کی ریاست طرف سے دیوالی سے ہونے والی آلودگی کی وجہ سے اے کیو آئی دوبارہ بڑھنے کا امکان ہے۔ شام 5 بجے تک فضائی معیار بہتر رہے گا۔

یہ بھی پڑھیں: وائٹ ہاؤس نے ڈونلڈ ٹرمپ کا غزہ تنازعے کے خاتمے کا منصوبہ شیئر کردیا

محسوس ہونے والے درجہ حرارت اور ہوا کی رفتار

دوپہر میں درجہ حرارت 32 ڈگری سینٹی گریڈ تک بڑھے گا، ہوا کی رفتار 11 کلومیٹر فی گھنٹہ تک بڑھ جائے گی۔ بچے، بزرگ افراد، اور سانس یا دل کے مریض صبح سویرے اور غروب آفتاب کے بعد باہر نکلنے سے گریز کریں۔ بھارتی علاقوں ہماچل پردیش اور دھرمشالہ سے پاکستانی علاقوں لاہور، گوجرانوالہ، فیصل آباد کی طرف 5 سے 9 کلومیٹر فی گھنٹہ کی رفتار سے ہوا چلے گی۔ بھارتی لدھیانہ اور سری گنگا نگر سے پاکستانی علاقوں ساہیوال، بورے والا، وہاڑی کی طرف ہواؤں کی رفتار 6 سے 7 کلومیٹر فی گھنٹہ رہنے کا امکان ہے۔ بھارتی علاقے ہریانہ سے پاکستانی علاقوں بہاولپور، رحیم یار خان، ملتان کی طرف 4 سے 6 کلومیٹر فی گھنٹہ کی رفتار سے ہوائیں چلیں گی۔ ڈی جی خان، لیہ، بھکر میں ہوا کی رفتار نسبتاً کم ہوگی، یہ رفتار 2 سے 3 کلومیٹر فی گھنٹہ ہو سکتی ہے۔

حکومت کے سخت اقدامات

سینیئر صوبائی وزیر مریم اورنگزیب نے کہا ہے کہ پنجاب حکومت کا اینٹی سموگ آپریشن پوری قوت سے جاری ہے، زیادہ آلودگی والے علاقوں میں اینٹی سموگ گنز کا استعمال بھی جاری ہے۔ تعمیراتی مقامات اور راستوں پر چھڑکاؤ بھی جاری رہے گا، دھول، گرد و غبار، دھوئیں سے بچاؤ کے لیے ایس او پیز پر سختی سے عمل جاری رہے گا۔ لاہور میں ٹرکوں اور بڑی گاڑیوں کی آمد و رفت پر کنٹرول کی پالیسی پر عمل ہوگا۔ حکومتی اقدامات کے ساتھ ساتھ عوام کا بھرپور تعاون سموگ میں کمی لانے میں بہت اہم ہے۔