محکمہ موسمیات نے شدید سردی نہ پڑنے کی پیشگوئی کر دی، اگلے 3 ماہ درجہ حرارت کیسا رہے گا؟ جانیے

محکمہ موسمیات کی پیشگوئی

کراچی( ڈیلی پاکستان آن لائن ) محکمہ موسمیات نے رواں برس موسم سرما میں شدید سردی نہ پڑنے کی پیشگوئی کی ہے۔

یہ بھی پڑھیں: بانی پی ٹی آئی سے ملاقات کا دن، وکلا اور بہنوں کو ملاقات کی اجازت مل گئی

سرما میں درجہ حرارت کی صورتحال

’’جیو نیوز ‘‘ محکمہ موسمیات کے ترجمان انجم نذیر کے مطابق نومبر، دسمبر اور جنوری میں درجہ حرارت معمول سے زائد رہ سکتا ہے جب کہ شمالی علاقوں میں درجہ حرارت معمول سے زائد رہے گا۔ رواں سال موسم سرما میں بارشیں معمول سے کم ہوں گی تاہم جنوری کے اختتام پر بارش کا امکان ہوگا۔ کم بارشیں ہونے کی وجہ سے پنجاب اور بالائی سندھ میں اسموگ زائد رہے گی، بارشیں کم ہونے کی وجہ سے بھی فضائی معیار متاثر رہے گا۔

یہ بھی پڑھیں: مشہور بھارتی کرکٹر کو داعش کا دھمکی بھرا پیغام موصول، حیران کن انکشاف

بحیرۂ عرب میں موجود ڈپریشن

دوسری جانب ترجمان نے بتایا کہ بحیرۂ عرب میں ایک ڈپریشن موجود ہے جو کراچی سے 1800 کلومیٹر دور ہے، تاہم پاکستان کے ساحلی علاقوں پر اس سسٹم کے کوئی اثرات نہیں ہیں۔

سمندری طوفان کی صورتحال

مڈغاسکر کے قریب ایک سمندری طوفان موجود ہے، اس سمندری طوفان کے باعث بحیرہ عرب میں ڈپریشن میں شدت آنے کا امکان نہیں۔