لاہور پولو کلب میں پولو ان پنک کپ جاری

پولو ان پنک کپ کے تیسرے دن کی تفصیلات

لاہور(ڈیلی پاکستان آن لائن) لاہور پولو کلب کے زیراہتمام لاہور سمارٹ سٹی پولو ان پنک کپ کے تیسرے دن چار اہم میچز کھیلئے گئے جن میں ذکی فارمز، ریجاس / دین اور سامبا بینک کی ٹیمیں فاتح رہیں۔

یہ بھی پڑھیں: سونا ہزاروں روپے مہنگا، فی تولہ قیمت 4لاکھ 10ہزار سے زائد ہو گئی

تماشائیوں کی بڑی تعداد

تفصیلات کے مطابق لاہور پولو کلب میں لاہور سمارٹ سٹی کے تعاون سے منعقدہ ٹورنامنٹ کا فائنل دیکھنے کے لیے تماشائیوں اور فیملیز کی ایک بہت بڑی تعداد موجود تھی۔ اس موقع پر لاہور پولو کلب کے صدر ملک اعظم حیات نون، ایگزیکٹو کمیٹی کے ممبرز اور سیکرٹری میجر امجد غفور (ر) بھی موجود تھے۔

یہ بھی پڑھیں: سپریم کورٹ لاہور رجسٹری میں داخل ہونے والا مسلح شخص گرفتار

میچ کے نتائج

پہلا میچ: ذکی فارمز بمقابلہ گارڈ گروپ

پہلے میچ میں ذکی فارمز کی ٹیم نے گارڈ گروپ کو 9-5.5 گول سے ہرا دیا۔ ذکی فارمز کی طرف سے ممتاز عباس نیازی نے پانچ، شاہ شمیل عالم نے تین اور فیصل خان نے ایک گول سکور کیا۔ گارڈ گروپ کی ٹیم کو اڑھائی گول ہینڈی کیپ ایڈوانٹیج حاصل تھا اور عارب علی ملک نے دو جبکہ مصطفی عزیز نے ایک گول سکور کیا۔

دوسرا میچ: ریجاس / دین بمقابلہ ایس کیو سی گولڈ

دوسرے میچ میں ریجاس / دین پولو کی ٹیم نے ایس کیو سی گولڈ کی ٹیم کو 8-4 سے ہرا دیا۔ ریجاس / دین کی طرف سے راجہ سمیع اللہ نے چھ، محب فیصل شہزاد اور شیخ محمد رافع نے ایک ایک گول سکور کیا۔ ایس کیو سی گولڈ کی طرف سے ابراہیم خلیل نے دو، نادرا غریب اور محمد علی ملک نے ایک ایک گول سکور کیا۔

تیسرا میچ: پیبل بریکر بمقابلہ چاکور وینجرز

تیسرے میچ میں پیبل بریکر نے چاکور وینجرز کی ٹیم کو 8-4 سے ہرا دیا۔ پیبل بریکر کی طرف سے عبدالرحمان منوں نے تین، محسن عطا کھوسہ اور ایل نور ٹاٹینا نے دو دو، اور احمد علی ٹوانہ نے ایک گول سکور کیا۔ چاکور وینجرز کی طرف سے ہاشم کمال آغا اور سارہ گروور نے ایک ایک گول سکور کیا جبکہ دو گول انہیں ہینڈی کیپ ایڈوانٹیج حاصل تھا۔

چوتھا میچ: سامبا بینک بمقابلہ بلیک ہارس پینٹس

دن کے آخری میچ میں سامبا بینک نے بلیک ہارس پینٹس کی ٹیم کو 6-0.5 سے ہرا دیا۔ سامبا بینک کی طرف سے ثاقب خان خاکوانی اور المان جلیل اعظم نے دو دو جبکہ مینڈونا اور عدنان جلیل اعظم نے ایک ایک گول سکور کیا۔ بلیک ہارس پینٹس کی ٹیم کوئی گول نہ کر سکی اور صرف ہاف گول ہینڈی کیپ ایڈوانٹیج حاصل تھا۔