گھوٹکی: عدالت نے غیرت کے نام پر خاتون کو قتل کرنے والے 3 مجرموں کو سزائے موت سنا دی

غیرت کے نام پر قتل کا فیصلہ

گھوٹکی(صباح نیوز) غیرت کے نام پر بہیمانہ قتل کیس کا تاریخی فیصلہ، ایڈیشنل سیشن جج گھوٹکی کی عدالت نے خاتون کو قتل کرنے والے 3 مجرموں کو سزائے موت سنادی۔

یہ بھی پڑھیں: دینی مدارس کے معاملے پر حکومت کیا چاہتی ہے۔۔۔؟ سینیٹر فاروق ایچ نائیک نے بتا دیا

مجرموں کی سزا

تفصیلات کے مطابق، ایڈیشنل سیشن جج 1 گھوٹکی کی عدالت نے غیرت کے نام پر صائمہ سیال کے بہیمانہ قتل پر 3 مجرموں کو سزائے موت سنادی۔ ایڈیشنل سیشنز جج ون گھوٹکی کی عدالت نے کیس نمبر 341/2024 میں فیصلہ سناتے ہوئے مقتولہ صائمہ کے قتل میں ملوث 3 مجرموں نور حسن سیال، بشیر احمد سیال اور امام بخش سیال کو غیرت کے نام پر قتل کے جرم میں پھانسی کی سزا سنائی۔

یہ بھی پڑھیں: کیا واقعی ایف بی آئی کے سابق ڈائریکٹر نے ٹرمپ کے قتل کی کال دی؟ 8647 کے میسج کا کیا مطلب ہے؟

علیحدہ سزائیں اور جرمانے

عدالتی فیصلے کے مطابق، تینوں مجرموں کو رسول بخش کو زخمی کرنے پر عمر قید کی سزا بھی سنائی گئی جبکہ اقدامِ قتل کے جرم میں ہر مجرم کو مزید 10 سال قیدِ بامشقت اور 2 لاکھ روپے جرمانہ ادا کرنے کا حکم دیا گیا۔ عدالت نے قرار دیا کہ غیرت کے نام پر قتل ناقابلِ معافی جرم ہے، اور اس میں صلح یا معاوضے کی اجازت نہیں دی جا سکتی۔

یہ بھی پڑھیں: خیر پور ناتھن شاہ؛ ٹیچر کی چھٹی جماعت کی طالبہ سے شادی

معاشرتی جرائم کی روک تھام

عدالت نے واضح کیا کہ معاشرے میں اس طرح کے جرائم کی روک تھام کے لئے مثالی سزائیں دینا ضروری ہے۔ عدالت نے پولیس اور انسانی حقوق کمیشن کو ہدایت دی کہ وہ کیس سے متعلق مزید کارروائی کریں اور یہ بھی حکم دیا کہ جھوٹی گواہی اور جعلسازی میں ملوث افراد کے خلاف قانونی کارروائی عمل میں لائی جائے۔

سندھ ہائی کورٹ میں کیس کی توثیق

عدالتی فیصلے کے مطابق، سزائے موت کی توثیق کے لیے کیس سندھ ہائی کورٹ بھجوا دیا گیا ہے۔ واضح رہے کہ یہ مقدمہ 2022 میں تحصیل خان گڑھ کے گاؤں قائم سیال کے رہائشی تینوں مجرموں کے خلاف پولیس اسٹیشن خانپور مہر میں درج کیا گیا تھا، جنہوں نے مقتولہ صائمہ کو غیرت کے نام پر قتل کیا تھا۔