فیلڈ مارشل عاصم منیر کی مصر کے وزیرِ دفاع اور آرمی چیف سے ملاقات

آرمی چیف کا دورہ مصر

راولپنڈی (ڈیلی پاکستان آن لائن) آرمی چیف فیلڈ مارشل سید عاصم منیر مصر کے سرکاری دورے پر ہیں، جہاں انہوں نے مصر کے وزیرِ دفاع و دفاعی پیداوار جنرل عبدالمجید اور مصری افواج کے چیف آف سٹاف لیفٹیننٹ جنرل احمد خلیفہ فتحی سے ملاقات کی۔

یہ بھی پڑھیں: غزہ پر اسرائیل کے فضائی اور زمینی حملوں میں تیزی، 140 سے زیادہ فلسطینی شہید

ملاقاتوں کا مقصد

پاک فوج کے شعبۂ تعلقاتِ عامہ آئی ایس پی آر کے مطابق ملاقاتوں میں علاقائی سلامتی کی صورتِ حال اور دو طرفہ دفاعی تعاون پر گفتگو ہوئی۔ اس موقع پر آرمی چیف فیلڈ مارشل سید عاصم منیر نے کہا کہ مصر ایک برادر اسلامی ملک ہے، پاکستان اور مصر کے درمیان تعاون دونوں ممالک کے عوام کے مفاد میں ہے، یہ تعاون خطے میں امن و استحکام کے فروغ میں مددگار ثابت ہو گا۔

یہ بھی پڑھیں: کویت میں ڈی سیلینیشن پلانٹ پر حملے کے پیچھے اسرائیل کا ہاتھ ہے: ایران

استقبال اور ملاقاتیں

آئی ایس پی آر کے مطابق مصری وزارتِ دفاع کے دورے میں فیلڈ مارشل کا پرتپاک استقبال کیا گیا، مصری افواج کے دستے نے گارڈ آف آنر پیش کیا۔ فیلڈ مارشل نے جامعۃ الازہر میں شیخ احمد الطیب، شیخ الازہر سے بھی ملاقات کی۔ ملاقات میں شیخ الازہر نے مسلم اُمہ کو درپیش چیلنجز پر گفتگو کی۔

یہ بھی پڑھیں: گجرات میں ایک بار پھر ایک گھنٹے کی بارش نے پورے شہر کو ڈبو دیا، شہریوں کو مشکلات کا سامنا

انسانی چیلنجز کا ذکر

فیلڈ مارشل عاصم منیر نے انتہا پسند نظریات اور اسلام کی مسخ شدہ تشریحات کے خاتمے کی ضرورت پر زور دیا۔ فیلڈ مارشل نے ٹومب آف دی ان نون سولجرز کی یادگار اور سابق صدر انور سادات کی قبر پر پھول رکھے۔

دورے کا مقصد

آئی ایس پی آر کے مطابق دورے کا مقصد پاک، مصر عسکری تعاون اور دفاعی اشتراک کو مزید فروغ دینا ہے۔