عالمی اور مقامی مارکیٹ میں سونے کی قیمت میں اضافہ

سونے کی قیمتوں میں اضافہ

کراچی (ڈیلی پاکستان آن لائن) عالمی اور مقامی گولڈ مارکیٹس میں مسلسل 5 روز کی کمی کے بعد سونے کی قیمتوں میں دوبارہ اضافہ ریکارڈ کیا گیا ہے۔

یہ بھی پڑھیں: رواں ماہ سونے کی قیمت میں غیر معمولی اضافہ ہوا

مقامی مارکیٹ کی صورتحال

آل پاکستان صرافہ جیولرز اینڈ ایسوسی ایشن کے مطابق سونے اور چاندی کی مسلسل گرتی قیمت کو بریک لگ گیا، مقامی مارکیٹ میں فی تولہ سونے کی قیمت 1800 روپے بڑھ کر 433662 روپے ہوگئی ہے۔

یہ بھی پڑھیں: میک اپ پراڈکٹس چکھنے کے حوالے سے مشہور بیوٹی انفلوئنسر اچانک انتقال کرگئیں

سونے اور چاندی کی نئی قیمتیں

اس کے علاوہ 10 گرام سونے کی قیمت 1543 روپے کے اضافے سے 371795 روپے ہوگئی ہے۔ فی تولہ چاندی کی قیمت 57 روپے بڑھ کر 5124 روپے ہوگئی۔

عالمی مارکیٹ کی صورتحال

دوسری جانب عالمی مارکیٹ میں فی اونس سونا 18 ڈالر مہنگا ہوکر 4113 ڈالر پر چلا گیا۔