بھارت میں آسٹریلیا کی ویمنز کرکٹ ٹیم کی کھلاڑیوں کے ساتھ جنسی ہراسانی کا شرمناک واقعہ

بھارت میں آسٹریلین خواتین کرکٹرز کے ساتھ واقعہ

ممبئی (ڈیلی پاکستان آن لائن) کرکٹ میں دوسرے ممالک کے لیے غیر محفوظ ہونے کا بے بنیاد پروپیگنڈا کرنے والا بھارت خود غیر ملکی کھلاڑیوں کے لیے غیر محفوظ نکلا۔

یہ بھی پڑھیں: منی مزدا ٹرانسپورٹرز کی محکمہ ایکسائز کے خلاف ملک گیر پہیہ جام ہڑتال

شرمناک واقعہ کی تفصیلات

بھارتی میڈیا کے مطابق آئی سی سی ویمنز ورلڈکپ کے لیے موجود آسٹریلین کرکٹرز کے ساتھ جنسی ہراسانی کا ایک شرمناک واقعہ پیش آیا ہے۔ بھارتی شہر اندور میں آسٹریلیا کی دو ویمن کرکٹرز ہوٹل سے کیفے ٹیریا جانے کے لیے نکلی تھیں، اس دوران ایک موٹر سائیکل سوار شخص نے ایک آسٹریلوی کرکٹر کو انتہائی نازیبا طریقے سے چھوا اور فرار ہو گیا۔ رپورٹس کے مطابق مذکورہ واقعہ 23 اکتوبر کو پیش آیا۔

یہ بھی پڑھیں: حکومتی اور دفاعی اداروں پر بھارتی سائبر حملوں کا خدشہ، سائبر سیکیورٹی ایڈوائزری جاری

پولیس کی کاروائی

ایڈیشنل ڈی سی پی کرائم برانچ راجیش ڈنڈوتیا نے میڈیا کو واقعے سے متعلق تصدیق کرتے ہوئے بتایا کہ آسٹریلوی ویمن کرکٹ ٹیم کے سیکیورٹی افسر نے واقعے کی شکایت درج کروائی تھی۔ انہوں نے مزید کہا کہ مبینہ ملزم کو گرفتار کرکے مقدمہ درج کر لیا گیا ہے۔ ملزم کا نام عقیل ہے اور وہ آزاد نگر کا رہائشی ہے۔

سیکیورٹی کی صورت حال

راجیش ڈنڈوتیا نے یہ بھی بتایا کہ پولیس کی بھاری نفری سیکیورٹی پر مامور تھی، اور اس کمی کا جائزہ لیا جا رہا ہے کہ کہاں نقص رہ گیا۔