ویرات کوہلی نے سچن ٹنڈولکر کا اہم ترین ریکارڈ توڑ دیا

ویرات کوہلی کا تاریخی سنگِ میل

سڈنی(ڈیلی پاکستان آن لائن)بھارت کے سٹار بیٹر ویرات کوہلی نے سابق بھارتی لیجنڈری کرکٹر سچن ٹنڈولکر کا انٹرنیشنل وائٹ بال کرکٹ میں سب سے زیادہ رنز بنانے کا ورلڈ ریکارڈ توڑ دیا۔

یہ بھی پڑھیں: غزہ میں اسرائیلی فوج کا کرنل مارا گیا

میچ کی تفصیلات

ویرات کوہلی نے ہفتے کو آسٹریلیا کے خلاف سڈنی کرکٹ گراؤنڈ میں تیسرے اور سیریز کے آخری ون ڈے میچ کے دوران 74 رنز کی میچ وننگ اننگز کھیل کر تاریخی سنگِ میل عبور کیا۔ ویرات کوہلی انٹرنیشنل وائٹ بال کرکٹ (ون ڈے + ٹی ٹوئنٹی) میں سب سے زیادہ رنز بنانے والے کرکٹر بن گئے ہیں۔

یہ بھی پڑھیں: انٹر بینک مارکیٹ میں ڈالر سستا ہو گیا

کوہلی کے رنز کا اجمالی جائزہ

کوہلی نے 305 ون ڈے انٹرنیشنل میں 14 ہزار 255 اور ٹی ٹوئنٹی انٹرنیشنل میں 125 میچز میں 4188 رنز بنائے ہیں۔ یہ کوہلی کے انٹرنیشنل وائٹ بال کرکٹ میں مجموعی طور پر 18 ہزار 443 رنز بنتے ہیں۔ جو کہ دنیا میں کسی بھی بیٹر کی جانب سے سب سے زیادہ رنز ہیں۔

یہ بھی پڑھیں: وزیرِ اعظم 22 سے 26 ستمبر تک اقوامِ متحدہ کی جنرل اسمبلی کے اجلاس میں شرکت کریں گے

سچن ٹنڈولکر کا ریکارڈ

اس سے قبل انٹرنیشنل وائٹ بال کرکٹ میں سب سے زیادہ رنز کا ریکارڈ بھارت کے سابق کپتان سچن ٹنڈولکر کے پاس تھا، جنہوں نے ون ڈے انٹرنیشنل میں 18 ہزار 426 اور واحد ٹی ٹوئنٹی انٹرنیشنل میں 10 رنز بنائے۔ سچن ٹنڈولکر کے انٹرنیشنل وائٹ بال کرکٹ میں مجموعی طور پر 18 ہزار 436 رنز بنتے ہیں۔

تیسرا نمبر

اس فہرست میں تیسرا نمبر سری لنکا کے سابق کپتان کمار سنگارا کا ہے جن کے ون ڈے اور ٹی ٹوئنٹی انٹرنیشنل میں مجموعی رنز 15 ہزار 616 ہیں۔ واضح رہے کہ ون ڈے انٹرنیشنل کرکٹ میں سب سے زیادہ رنز بنانے کا عالمی ریکارڈ اب بھی بھارتی لیجنڈ سچن ٹنڈولکر کے پاس ہے، جنہوں نے 463 میچوں 44.83 کی اوسط سے 18،426 رنز بنائے۔