کشمیری بھائیوں کے ساتھ ہیں اور ہمیشہ رہیں گے،بے گناہ کشمیریوں کاخون ضرور رنگ لا ئے گا: وزیراعلیٰ مریم نواز

وزیراعلیٰ پنجاب مریم نواز کا کشمیر پر بیان

لاہور ( ڈیلی پاکستان آن لائن ) وزیراعلٰی پنجاب مریم نواز نے کہا ہے کہ پاکستان ہمیشہ مقبوضہ جموں و کشمیر کے بھائیوں کی اخلاقی اور سفارتی حمایت کی پالیسی پر عمل پیرا رہے گا۔ مسئلہ کشمیر کسی ایک ملک کا نہیں بلکہ اقوام عالم کا مسئلہ بن چکا ہے۔

یہ بھی پڑھیں: مطیع اللہ جان اور محسن نقوی: نشہ آور کس کا ہے؟

یوم سیاہ اور بھارت کا قبضہ

وزیراعلیٰ مریم نواز نے مقبوضہ جموں و کشمیر پر بھارت کے غاصبانہ قبضے کے خلاف یوم سیاہ پر اپنے خصوصی پیغام میں کہا کہ 27 اکتوبر کو مقبوضہ جموں و کشمیر پر بھارت کے غاصبانہ قبضے کا اقدام تاریخ عالم کا سیاہ باب ہے۔ 27 اکتوبر کے سیاہ باب کی سیاہی بھارتی قیادت کے چہرے پر نمودار ہورہی ہے۔ پاکستان نے "آپریشن بنیان المرصوص" میں بھارت کا غرور خاک میں ملا دیا۔ بھارتی قیادت "آپریشن بنیان المرصوص" کی شرمندگی کے باعث وزیراعظم شہباز شریف کا سامنا کرنے سے قاصر ہے۔ امریکی صدر کا وزیراعظم محمد شہباز شریف اور فیلڈ مارشل حافظ عاصم منیر کو عظیم قرار دینا بھارت کے لئے ایک اور شکست کے مترادف ہے۔

کشمیر کی اہمیت

وزیراعلیٰ مریم نواز نے کہا کہ کشمیر اور پاکستان لازم و ملزوم ہیں، کوئی جدا نہیں کرسکتا۔ کشمیری بھائیوں کے ساتھ ہیں اور ہمیشہ رہیں گے۔ لاکھوں بے گناہ کشمیریوں کا خون ضرور رنگ لائے گا، مقبوضہ کشمیر میں آزادی کی روشن صبح ضرور طلوع ہوگی۔