پسماندہ طبقات کی بحالی پنجاب حکومت کی اولین ترجیح ہے: سہیل شوکت بٹ کا خصوصی افراد میں 1100 وہیل چیئرز کی فراہمی کی تقریب سے خطاب

محکمہ سوشل ویلفیئر کی جانب سے وہیل چیئرز کی فراہمی

لاہور (ڈیلی پاکستان آن لائن) وزیراعلیٰ پنجاب مریم نواز کی خصوصی ہدایت پر محکمہ سوشل ویلفیئر کی جانب سے پبلک ٹرانسپورٹ کے لیے 1100 وہیل چیئرز فراہم کر دی گئیں۔

یہ بھی پڑھیں: پاکستان بینکس ایسوسی ایشن کی ترسیلات زر کی سبسڈی سے متعلق گمراہ کن دعووں کی سختی سے تردید

معاون آلات کی فراہمی کی تقریب

اس حوالے سے افرادِ باہم معذوری میں معاون آلات کی فراہمی کی ایک پروقار تقریب منعقد ہوئی، جس میں صوبائی وزیر سوشل ویلفیئر و بیت المال سہیل شوکت بٹ اور صوبائی وزیر ٹرانسپورٹ بلال اکبر خان نے خصوصی شرکت کی۔

یہ بھی پڑھیں: ہم نے اعتراض کیا تو کہا گیا کہ بہت لاجواب پل بنائیں گے‘‘حامد میر نے ایف 8انٹرچینج روڈ بیٹھنے پرسوال اٹھا دیا

خصوصی افراد کے لیے آلات کی تقسیم

تقریب میں لاہور، گوجرانوالہ، فیصل آباد اور ساہیوال ڈویژن سے آئے خصوصی افراد میں الیکٹرک وہیل چیئرز، ٹرائی سائیکل اور ٹرائی موٹر سائیکل تقسیم کیے گئے۔

یہ بھی پڑھیں: پاکستان اور بھارت دیرینہ مسائل کا مستقل حل نکالیں: ایرانی سفارتکار

صوبائی وزیر سوشل ویلفیئر کا خطاب

صوبائی وزیر سوشل ویلفیئر سہیل شوکت بٹ نے تقریب سے خطاب کرتے ہوئے کہا کہ معاشرے کے کمزور و پسماندہ طبقات کی بحالی پنجاب حکومت کی اولین ترجیح ہے۔ معذور بچوں اور بچیوں کو بااختیار بنا کر انہیں تعلیم اور روزمرہ زندگی میں خودمختاری فراہم کی جا رہی ہے۔ وزیراعلیٰ پنجاب کی قیادت میں محکمہ سوشل ویلفیئر عوامی خدمت کا فخریہ کردار ادا کر رہا ہے، جبکہ افراد باہم معذوری کی فلاح و بہبود کے لیے اقدامات کا دائرہ پورے پنجاب میں بڑھایا جا رہا ہے۔ انہوں نے محکمہ کو ’’دعائیں اکٹھی کرنے والا محکمہ‘‘ قرار دیا۔

صوبائی وزیر ٹرانسپورٹ کا بیان

صوبائی وزیر ٹرانسپورٹ بلال اکبر خان نے کہا کہ وزیراعلیٰ پنجاب کے اقدامات عوامی سہولت اور آسانی کے لیے قابلِ ذکر ہیں۔ خصوصی بسوں میں تمام تر سہولیات اور کرایوں میں واضح کمی کی گئی ہے۔ تمام محکموں کا باہمی تعاون خصوصی افراد کے لیے بہترین ریلیف یقینی بنا رہا ہے۔ سرگودھا میں معذور خاتون کی وائرل ویڈیو پر فوری وہیل چیئر کی فراہمی عوامی خدمت کا عملی ثبوت ہے۔