سندھ جاب پورٹل کا افتتاح، گریڈ 1 سے 5 کی ملازمتوں کا سلسلہ آئندہ 15 روز سے شروع ہو جائے گا: وزیر اعلیٰ مراد علی شاہ

کراچی میں سندھ جاب پورٹل کا افتتاح

کراچی (ڈیلی پاکستان آن لائن) وزیرِ اعلیٰ سندھ مراد علی شاہ نے کراچی میں سندھ جاب پورٹل کا افتتاح کر دیا۔

یہ بھی پڑھیں: کراچی ایئر پورٹ آنے والے شہریوں پر نئی پابندی لگانے کا فیصلہ

ملازمتوں کے مواقع

اس حوالے سے منعقدہ تقریب سے خطاب کرتے ہوئے وزیر اعلیٰ نے کہا کہ گریڈ 1 سے 5 کی ملازمتوں کا سلسلہ آئندہ 15 روز سے شروع ہو جائے گا۔ سندھ جاب پورٹل کا افتتاح عوامی خدمت کی فراہمی میں ایک سنگِ میل ہے۔ یہ منصوبہ ڈیجیٹل تبدیلی، شفافیت اور عوامی بااختیار کا مظہر ہے۔

یہ بھی پڑھیں: آئیڈیاز 2024، پاکستان میں بنائے گئے جدید ترین جہاز اور ہتھیار دیکھنے پوری دنیا سے لوگ آگئے

ڈیجیٹل تبدیلی کا عمل

محکمۂ سائنس اینڈ آئی ٹی حکومت کا عملی و اسٹریٹیجک بازو ہے۔ سندھ جاب پورٹل مؤثر، جامع اور شہری مرکوز آئی ٹی سسٹمز کی بہترین مثال ہے، حکمرانی کو جدید خطوط پر استوار کر رہے ہیں اور عوامی خدمات تک رسائی کو آسان بنا رہے ہیں۔ شہری و دیہی علاقوں میں عوامی سہولت کے پلیٹ فارمز متعارف کرا رہے ہیں۔ یہ محض آغاز ہے، سائنس اینڈ آئی ٹی ڈپارٹمنٹ ڈیجیٹل خدمات کے دائرے کو وسعت دے رہا ہے، ہم ایسے نتائج دے رہے ہیں جو عوام کی زندگیوں میں مثبت تبدیلی لائیں۔

یہ بھی پڑھیں: کے پی حکومت کا سولرائزیشن منصوبہ دوبارہ شروع کرنے کا فیصلہ

ملازمتوں کے سلسلے میں شفافیت

’’جنگ‘‘ کے مطابق وزیر اعلیٰ مراد علی شاہ نے کہا کہ ہم ایسا سندھ بنا رہے ہیں جہاں ٹیکنالوجی عوام کا حق ہو، ہمارا مقصد قابلِ رسائی اور بااختیار نظام بنانا ہے۔ آئی ٹی ڈپارٹمنٹ نے ایک بہترین پورٹل بنایا ہے، جس سے نوجوانوں کو شفاف اور میرٹ پر ملازمت ملے گی۔

نئی اصلاحات کا آغاز

جب بھی ملازمت کا اعلان کرتے ہیں تو معاملہ عدالت تک چلا جاتا ہے۔ ہم آہستہ آہستہ نظام کو ڈیجیٹلائز کر رہے ہیں۔ ہم نے ملازمتوں کے لیے بار بار دستاویزات جمع کروانے، ٹیسٹ دینے کا نظام ختم کر دیا۔ تمام ٹیسٹ سکھر آئی بی اے لے گا، جو تمام ملازمتوں کے لیے کافی ہو گا۔ گریڈ 1 سے 5 کی ملازمتوں کا سلسلہ آئندہ 15 روز سے شروع ہو جائے گا۔ امید ہے کہ یہ پورٹل شفاف اور میرٹ پر ملازمت فراہم کرنے کا سبب بنے گا۔ یہ تاثر ختم ہونا چاہیے کہ سفارش کے بغیر نوکری نہیں ملتی۔