ایشیائی ترقیاتی بینک کی ’’گلیشیئرز ٹو فارمز‘‘ پروگرام کیلئے 25 کروڑ ڈالر کی منظوری

اے ڈی بی کی نئی مالی معاونت

اسلام آباد(ڈیلی پاکستان آن لائن) ایشیائی ترقیاتی بینک (اے ڈی بی) کے گرین کلائمیٹ فنڈ نے ’’گلیشیئرز ٹو فارمز‘‘ پروگرام کیلئے 25 کروڑ ڈالر کی منظوری دے دی۔

یہ بھی پڑھیں: پی ٹی آئی رہنما عالیہ حمزہ کو کس الزام میں گرفتار کیا گیا ہے؟ تفصیل سامنے آ گئی

پروگرام کا مقصد

نجی ٹی وی چینل دنیا نیوز کا کہنا ہے کہ جاری اعلامیے کے مطابق یہ پروگرام ایشیائی ترقیاتی بینک کی قیادت میں پاکستان سمیت 9 ممالک میں شروع ہوگا، اس منصوبے کا مقصد گلیشیئر پر انحصار کرنے والے خطوں میں پانی اور زراعت کے نظام کو مضبوط بنانا ہے۔

یہ بھی پڑھیں: خواجہ افتخار ٹینس چیمپئن شپ: کوالیفائرز کی شاندار کارکردگی کے بعد مین ڈرا مکمل

سرمایہ کاری کی تفصیلات

منصوبے سے متعلق اعلامیے میں مزید بتایا گیا ہے کہ اے ڈی بی آئندہ 10 برس میں منصوبوں پر 3.25 ارب ڈالر کی سرمایہ کاری کرے گا اور منصوبے کے تحت مؤثر آبپاشی، پانی ذخیرہ اور واٹر شیڈ مینجمنٹ کو فروغ دیا جائے گا۔

یہ بھی پڑھیں: امید ہے کہ سعودی عرب جلد ابراہیمی معاہدے میں شامل ہو جائے گا، ٹرمپ

خطروں کا سامنا

گلیشیئرز کے پگھلنے سے خشک سالی اور سیلاب جیسے خطرات میں اضافہ ہو رہا ہے اور اے ڈی بی کے اس پروگرام سے 1.3 کروڑ افراد، خصوصاً کسان اور پہاڑی علاقوں کی آبادی مستفید ہوگی۔

یہ بھی پڑھیں: وزیر اعلیٰ پنجاب کا موبائل فون کی لائٹ میں آپریشن کی خبر پر نوٹس، فوری رپورٹ طلب کر لی

دریائی حوض اور تحقیق

اعلامیے کے مطابق گلیشیئرز سے نکلنے والے 4 بڑے دریائی حوض، نارین، پیانج، کُورا اور سوات، اس پروگرام کا حصہ ہوں گے، یہ منصوبہ موسمیاتی اور گلیشیئرز تحقیق کو قومی ترقیاتی منصوبہ بندی میں شامل کرے گا، اس کے تحت خطرناک حالات سے نمٹنے کے لئے جدید وارننگ اور مانیٹرنگ نظام بھی قائم کئے جائیں گے۔

یہ بھی پڑھیں: تحریک انصاف نے رانا ثنا اللہ کی پیشکش قبول کرلی

مقامی برادری کی معاونت

اس پروگرام کے تحت پانی کی قلت اور شدید گرمی سے متاثرہ کمیونٹیز کیلئے سماجی تحفظ مضبوط بنایا جائے گا، مقامی بینکوں کو خواتین کی زیرِ قیادت زرعی کاروباروں کی معاونت کے قابل بنایا جائے گا۔

یہ بھی پڑھیں: بہن نے بھائی کا ریکارڈ توڑ دیا

چیلنجز کا سامنا

اعلامیے میں کہا گیا ہے کہ گلیشیئرز کا پگھلاؤ خطے کیلئے پیچیدہ ترقیاتی چیلنج ہے، جی سی ایف کی مدد سے خطہ منتشر منصوبوں سے نکل کر منظم لچکدار نظام کی طرف بڑھے گا۔

جی سی ایف کی حیثیت

اے ڈی بی کے مطابق گرین کلائمیٹ فنڈ (جی سی ایف) دنیا کا سب سے بڑا ماحولیاتی فنڈ ہے، جس کے تحت 43 ویں بورڈ اجلاس میں حالیہ پروگرام کی منظوری دی گئی ہے، 2024ء میں جی سی ایف کی معاونت سے ہونے والی تحقیقات نے اس پروگرام کی سائنسی بنیاد فراہم کی۔