عالمی برادری مقبوضہ کشمیر میں ہونے والی انسانی حقوق کی خلاف ورزیوں کا نوٹس لے: فواد احمد شیر

کشمیری عوام کے حقوق کی حمایت

جدہ(محمد اکرم اسد) اسلامی تعاون تنظیم میں پاکستان کے مستقل مندوب ایمبسیڈر فواد احمد شیر نے کہا ہے کہ عالمی برادری مقبوضہ کشمیر میں ہونے والی انسانی حقوق کی خلاف ورزیوں کا نوٹس لے اور کشمیری عوام کے حقوق کے لیے آواز اٹھائے۔ انہوں نے کہا کہ کشمیری عوام کا عزم اور حوصلہ قابلِ تحسین ہے اور پاکستان ہمیشہ ان کے ساتھ ہے۔

یہ بھی پڑھیں: ایران کے سپریم لیڈر جنگ کے بعد منظر عام پر آ گئے۔

یومِ سیاہ کشمیر کی تقریبات

وہ یومِ سیاہ کشمیر کی مناسبت سے پاکستان قونصلیٹ جنرل کی جانب سے منعقدہ پاکستان ہاؤس میں "جموں و کشمیر پر سیمنار" سے خطاب کر رہے تھے۔ اس موقع پر کشمیری عوام سے اظہارِ یکجہتی کے لیے پاکستانی کمیونٹی نے بھرپور شرکت کی۔

یہ بھی پڑھیں: دہشتگردی کے خلاف کثیر الجہتی بین الاقوامی حکمت عملی تیار کی جائے: محسن نقوی

قونصل جنرل کا خطاب

قونصل جنرل خالد مجید نے کہا کہ کشمیر پاکستان کی شہِ رگ ہے اور اس کی آزادی تک پاکستان کا عزم مضبوط رہے گا۔ انہوں نے اسلامی تعاون تنظیم (او آئی سی) اور سعودی حکومت کی طرف سے کشمیر کاز کے لیے مسلسل حمایت کا اعتراف کیا اور اسے سراہا۔ فلسطین اور کشمیر میں ہونے والے مظالم کی بھرپور مذمت کی گئی۔

یہ بھی پڑھیں: آپ سنِ اتحاد کے وکیل ہیں یا پی ٹی آئی کے؟ جسٹس مسرت ہلالی کا وکیل فیصل صدیقی سے مکالمہ

سابق وفاقی وزیر کا موقف

سابق وفاقی وزیر شہباز حسین چوہدری نے خطاب کرتے ہوئے کہا کہ بھارت کی مکاری سب پر عیاں ہے کہ وہ اقوام متحدہ کی قرار دادوں کی کئی دھائیوں سے نفی کرتا آ رہا ہے۔ انہوں نے کشمیریوں کی جدو جہد آزادی کو خراج تحسین پیش کیا اور کہا کہ ان کی قربانیاں ایک دن رنگ لائیں گی اور کشمیر پاکستان کا حصہ ہو گا۔

یہ بھی پڑھیں: بھارتی حکومت نے شوبز انڈسٹری کو 33 سال دینے والے بالی ووڈ بادشاہ شاہ رخ خان کو پہلا نیشنل فلم ایوارڈ دے دیا

مختلف مقررین کے خیالات

واشنگٹن میں انٹرنیشنل فورم فار جسٹس اینڈ پیس کے چیئرمین سید غلام نبی فائی نے ویڈیو پیغام کے ذریعے کشمیر کی تاریخ اور خطے میں بھارتی فوج کی بربریت پر اپنے خیالات کا اظہار کیا۔ اسلام آباد چیمبر آف کامرس کے صدر سردار طاہر محمود نے بھی خطاب کرتے ہوئے کشمیریوں کے ساتھ یکجہتی کا اظہار کیا۔

تقریب کی اہمیت

مقررین نے کشمیری عوام کی حق خودارادیت کی منصفانہ جدوجہد میں ان کی اخلاقی، سیاسی اور سفارتی حمایت کا اعادہ کیا۔ تقریب کا آغاز قاری عبدالحسیب کی تلاوت کلام پاک سے ہوا۔ اس میں پاکستان کے صدر آصف زرداری، وزیراعظم شہباز شریف، اور وزیر خارجہ اسحاق ڈار کے خصوصی پیغامات بھی پڑھے گئے۔