محکمہ داخلہ نے پنجاب میں غیر قانونی اسلحہ کی نشاندہی، ضبطگی اور تادیبی ایکشن بارے رپورٹ طلب کرلی

پنجاب میں ناجائز اسلحہ کے خلاف بڑی کارروائی

لاہور (ڈیلی پاکستان آن لائن) پنجاب میں ناجائز اسلحہ کے خلاف محکمہ داخلہ پنجاب کا بڑا اقدام، صوبے بھر سے غیر قانونی اسلحہ کی نشاندہی، ضبطگی اور تادیبی ایکشن بارے رپورٹ طلب کر لی گئی۔

یہ بھی پڑھیں: سونے کی قیمت میں 14ہزار روپے کی بڑی کمی

مراسلہ جاری

محکمہ داخلہ نے صوبہ بھر میں ڈپٹی کمشنرز، سی سی پی او لاہور، ڈی پی اوز اور سی پی اوز کو مراسلہ جاری کر دیا، جس میں 3 دن میں ضبط شدہ اسلحہ بارے جامع رپورٹ جمع کروانے کی ہدایت کی گئی ہے۔

یہ بھی پڑھیں: لاہور میں اغواء برائے تاوان کی انوکھی واردات، شہری کی پل سے پیسے پھینکنے کی ویڈیو وائرل

تفصیلات کی طلب

رپورٹ میں اسلحہ کی نوعیت، ماڈل، سیریل نمبر، ایف آئی آر نمبر، ملزمان اور موجودہ کسٹڈی کی تفصیلات شامل ہوں گی۔ تمام ڈیٹا محکمہ داخلہ پنجاب اور کرائم کنٹرول ڈیپارٹمنٹ کو بھجوایا جائے گا۔ ترجمان کا کہنا ہے محکمہ داخلہ غیر قانونی اسلحے کے خاتمے کیلئے موثر اور ڈیٹا بیسڈ حکمت عملی پر کام کر رہا ہے۔ غیر قانونی اسلحہ جرائم کے فروغ کا ذریعہ اور عوامی تحفظ کیلئے خطرہ بن سکتا ہے۔

اسلحہ لائسنسز کی سکروٹنی

محکمہ داخلہ پنجاب نے صوبہ بھر میں انفرادی و ادارہ جاتی اسلحہ لائسنسز اور ڈیلرشپ کی مکمل سکروٹنی کی۔ اسلحہ لائسنس کے حوالے سے تمام مراحل کو نادرا کی مدد سے کمپیوٹرائزڈ کیا جاچکا ہے۔ ناجائز اور غیر قانونی اسلحے کی روک تھام کیلئے قوانین کو مزید سخت بنایا گیا ہے۔ حکومت پنجاب ناجائز اسلحہ کے حوالے سے زیرو ٹالرینس پالیسی پر عمل پیرا ہے۔