سموگ کی صورتحال مزید خراب، فضائی آلودگی میں آج فیصل آباد کا پہلا نمبر

فضائی آلودگی کی بڑھتی ہوئی شدت

لاہور(ڈیلی پاکستان آن لائن) پنجاب میں فضائی آلودگی اور سموگ کی صورتحال دن بہ دن خراب ہوتی جا رہی ہے جس کے باعث آج فیصل آباد فضائی آلودگی میں پہلے نمبر پر ہے۔

یہ بھی پڑھیں: کراچی، گھریلو جھگڑے پر شوہر نے بیوی کو ذبح کر دیا،ملزم آلہ قتل سمیت گرفتار

آلودگی کے اعداد و شمار

نجی ٹی وی چینل دنیا نیوز کے مطابق فضائی آلودگی سے متعلق ڈیٹا فراہم کرنے والے عالمی ادارے آئی کیو آئی کے مطابق فیصل آباد فضائی آلودگی میں پہلے، گوجرانوالہ دوسرے اور ملتان تیسرے نمبر پر ہے جبکہ لاہور میں آج صبح کے وقت ایئرکوالٹی کی شرح 471 ریکارڈ کی گئی۔

یہ بھی پڑھیں: اس دفاعی معاہدے کے بعد سعودی عرب راتوں رات ایٹمی طاقت بن گیا، پاکستان اور سعودی عرب کے درمیان معاہدے پر بھارتی اداکار کا تبصرہ

مختلف شہروں کی ایئر کوالٹی

آئی کیو آئی کے مطابق فیصل آباد میں اے کیو آئی 554، گوجرانوالہ میں 546، ملتان میں 478، لاہور میں 471 اور بہاولپور میں 389 ریکارڈ کی گئی جبکہ سرکاری اعداد و شمار کے مطابق صبح کے وقت ڈی جی خان، گوجرانوالہ، قصور میں ایئر کوالٹی کی شرح 500 ریکارڈ کی گئی، لاہور میں 447، فیصل آباد میں 408 اور ملتان میں اے کیو آئی 352 ریکارڈ ہوئی۔

یہ بھی پڑھیں: 9 مئی کو جس ائیر فورس کے جہازوں کو جلایا گیا اسی ائیر فورس نے رافیل طیارے گرائے، مریم نواز

لاہور میں خطرناک سطح کی آلودگی

آئی کیو آئی کے مطابق لاہور کے مختلف علاقوں میں ایئر کوالٹی انتہائی خطرناک سطح تک پہنچ گئی، فاریسٹ ڈیپارٹمنٹ آفس راوی روڈ 980، جی تھری انجیئرنگ کونسل میں 790 اور ڈی ایچ اے فیز 8 میں 759 ریکارڈ کی گئی تاہم ایئر کوالٹی انڈیکس پنجاب کے مطابق برکی روڈ پر اے کیو آئی 500، ایجرٹن روڈ 500، واہگہ بارڈر 394 اور سفاری پارک میں 384 ریکارڈ کیا گیا۔

یہ بھی پڑھیں: تحریک انصاف کی پریس کانفرنس کی کوریج پر 8صحافیوں کیخلاف مقدمہ ،صدر لاہور پریس کلب کی شدید مذمت

ہوا کے بہاؤ اور ماحولیاتی اثرات

سموگ نگرانی و پیشگی سسٹم کے مطابق پنجاب میں ہوا کا بہاؤ آج مشرق سے مغرب کی سمت ہے، ادارہ تحفظ ماحولیات کے مطابق بھارتی علاقوں ہریانہ، لدھیانہ، پٹیالہ اور جالندھر سے آلودہ ہوائیں پاکستان کی جانب داخل ہو رہی ہیں، یہ ہوائیں لاہور، فیصل آباد، قصور اور گوجرانوالہ کے فضائی معیار پر اثر انداز ہو رہی ہیں۔

یہ بھی پڑھیں: کامران اکمل نے ٹیم سلیکشن کے غیر شفاف عمل پر سوال اٹھا دیے

ماہرین کی رائے

ماہرین کا کہنا ہے کہ فضا میں سموگ اور باریک ذرات کے جمع ہونے سے آلودگی کی شدت میں اضافہ ہو رہا ہے، ایئر کوالٹی انڈیکس آج 330 سے 370 کے درمیان رہنے کا امکان ہے۔

سماجی احتیاطی تدابیر

محکمہ ماحولیات کے مطابق لاہور میں فضائی معیار غیر صحت بخش متوقع ہے، صبح سویرے، رات گئے اور شام کے اوقات میں آلودگی کی شدت زیادہ رہے گی تاہم دوپہر کے اوقات (1 تا 5 بجے) معمولی بہتری کا امکان ہے۔ مجموعی معیار غیر صحت بخش رہنے کا امکان ہے، عوام، خصوصاً بچے، بزرگ اور مریض غیر ضروری طور پر باہر جانے سے گریز کریں۔