پنجاب میں سموگ کی شدت میں اضافہ، سکولوں کے اوقات کار تبدیل، خلاف ورزی پر جرمانوں کا فیصلہ

لاہور میں سکولوں کے اوقات کار میں تبدیلی

لاہور (ویب ڈیسک) محکمہ تعلیم پنجاب نے سموگ کی شدت میں اضافے کے باعث تمام سکولوں کے اوقات کار میں تبدیلی کردی۔

نئے اوقات کار

محکمہ تعلیم کی جانب سے جاری اعلامیے کے مطابق پنجاب میں اسموگ کی شدت میں اضافے کے بعد صوبے کے تمام نجی و سرکاری سکولوں کے اوقات کار میں تبدیلی کردی گئی ہے، تمام تعلیمی ادارے صبح 8:45 بجے سے پہلے نہیں کھلیں گے۔

خلاف ورزی کی صورت میں جرمانہ

اعلامیے میں واضح کیا گیا ہے کہ پونے 9 بجے سے پہلے کھلنے والے سکول خلاف ورزی کے مرتکب ہوں گے اور اس وجہ سے اُن پر 1 سے 10 لاکھ روپے جرمانہ عائد کیا جائے گا۔