سپریم کورٹ کراچی رجسٹری نے ڈاکٹر کے رضاکارانہ استعفے پر پنشن کیس کا 24 سال بعد فیصلہ سنا دیا

سپریم کورٹ کا فیصلہ

کراچی(ڈیلی پاکستان آن لائن) سپریم کورٹ کراچی رجسٹری نے ڈاکٹر کے رضاکارانہ استعفے پر پنشن کیس کا 24سال بعد فیصلہ سنا دیا۔ سپریم کورٹ کراچی رجسٹری میں لارجر بنچ نے فیصلہ سنایا، عدالت نے ہائیکورٹ کا حکم برقرار رکھتے ہوئے پنشن کے خلاف اپیل مسترد کردی۔

یہ بھی پڑھیں: پنجاب پولیس کے بہادر سپوت ہمارے لیے باعث فخر ہیں: وزیر اعلیٰ کا مکڑوال میں آپریشن پرخراج تحسین

استعفیٰ کی وجوہات

نجی ٹی وی چینل دنیانیوز کے مطابق دوران سماعت وکیل نے کہاکہ ڈاکٹر نے میڈیکل مسائل کی بنیاد پر استعفیٰ دیا تھا۔ عدالت نے کہاکہ ایک شخص نے 18 سال سروس دی، بیمار ہوگیا تو آپ چاہتے ہیں بھوکا مر جائے؟ جسٹس حسن اظہر نے کہاکہ ڈاکٹر کی عمر 73 برس ہو گئی، 18 برس کام کیا، پنشن بھی نہیں دے رہے، جسٹس محمد علی مظہر نے استفسار کیا کہ اب اس عمر میں زبردستی نوکری کروائیں گے؟

یہ بھی پڑھیں: مودی سرکار کا جھوٹا کھیل بے نقاب، ’’میزائل نمائش‘‘ خطرناک مہم جوئی، پاکستان کیا جواب رکھتا ہے۔۔۔؟ اہم تفصیلات جانیے۔

عدالت کے ریمارکس

جسٹس شاہد وحید نے کہاکہ میڈیکل گراونڈ پر استعفیٰ جبری ریٹائرمنٹ نہیں ہوتا، جبری ریٹائرمنٹ سزا ہوتی ہے۔ عدالت نے ریمارکس دیئے کہ آپ کیا چاہتے ہیں کہ ایک روپیہ بھی نہ ملے؟