سی سی ڈی نے ڈی آئی جی سے متعلق غیر اخلاقی زبان استعمال کرنے پر پولیس افسر کو گرفتار کر لیا

سابق ایس ایچ او کی حراست

لاہور (ڈیلی پاکستان آن لائن) پولیس کے سابق ایس ایچ او کو کمانڈنٹ چوہنگ ٹریننگ سینٹر سے متعلق غیراخلاقی زبان استعمال کرنے پر سی سی ڈی نے حراست میں لے لیا۔

یہ بھی پڑھیں: تبلیغی اجتماع سے آنے والی گاڑی کو حادثہ، وزیر اعلیٰ مریم نواز کا قیمتی انسانی جانوں کے ضیاع پر اظہار افسوس

غیراخلاقی زبان کا استعمال

سما ٹی وی کے مطابق سابق ایس ایچ او عدنان ورک نے کمانڈنٹ چوہنگ ٹریننگ سینٹر محبوب اسلم سے متعلق غیراخلاقی زبان استعمال کی۔ عدنان ورک کی آڈیو ریکارڈنگ ڈی آئی جی محبوب تک پہنچی تو انہوں نے اسے دفتر بلا کر وارننگ دی۔

یہ بھی پڑھیں: میرے ہی شاگرد نے شادی کی پیشکش کی تھی“؛ رومیسہ خان کا انکشاف

دوبارہ گالیوں کی بوچھاڑ

کمانڈنٹ کے دفتر سے باہر نکلتے ہی عدنان ورک نے دوبارہ گالیاں نکالنا شروع کر دیں۔ ڈی آئی جی محبوب اسلم نے عدنان ورک کے رویے سے متعلق سی سی ڈی کو آگاہ کیا۔

حراست اور تفتیش

سی سی ڈی نے چوہنگ ٹریننگ سینٹر سے سب انسپکٹر عدنان ورک کو حراست میں لے لیا۔ زیرحراست پولیس افسر عدنان ورک کے خلاف سی سی ڈی میں تفتیش جاری ہے۔ عدنان ورک چوہنگ ٹریننگ سینٹر میں انسپکٹر رینک کے لیے تربیتی کورس کر رہا تھا۔ عدنان ورک متعدد پولیس چوکیوں اور تھانہ مصطفی ٹاون میں ایس ایچ او رہ چکا ہے۔