خیبرپختونخوا پولیس کے 14 اہلکاروں کو منشیات فروشوں سے روابط کے الزام میں معطل کر دیا گیا

پشاور میں منشیات فروشوں سے روابط

پشاور (ڈیلی پاکستان آن لائن) منشیات فروشوں سے روابط کے الزام میں خیبر پولیس کے 14 اہلکاروں کو معطل کر دیا گیا۔ سی سی پی او پشاور نے کارروائی کی تصدیق کرتے ہوئے کہا ہے کہ کرپٹ اہلکاروں کے لیے فورس میں کوئی جگہ نہیں۔

یہ بھی پڑھیں: ایران جنگ، امارات کا پراپرٹی سیکٹر بری طرح متاثر

ایس ایچ اوز اور ڈی پی او کی وضاحت

ایکسپریس نیوز کے مطابق ضلع خیبر کے 4 ایس ایچ اوز کو بھی نوٹس جاری کر دیا گیا ہے جبکہ ڈی پی او خیبر سے 7 روز کے اندر وضاحت طلب کر لی گئی ہے۔

یہ بھی پڑھیں: فرانس کی آبنائے ہرمز کھلوانے یا جنگ میں مدد کیلئے بحری بیڑہ بھیجنے کی تردید

تحقیقات کا پس منظر

ذرائع کے مطابق یہ کارروائی سیکیورٹی اجلاس کے بعد عمل میں لائی گئی، جس میں منشیات فروشوں کے ساتھ پولیس اہلکاروں کے ممکنہ روابط کا نوٹس لیا گیا تھا۔

صوبائی پولیس کا کریک ڈاؤن

سی سی پی او پشاور کا کہنا ہے کہ صوبائی پولیس کو قبائلی اضلاع میں منشیات کی کاشت کے خلاف بھی کریک ڈاؤن کے احکامات جاری کیے گئے ہیں۔