صدر آصف علی زرداری کی قطر کے وزیراعظم محمد بن عبدالرحمٰن بن جاسم آل ثانی سے دوحہ میں اہم ملاقات

ملاقات کی تفصیلات

دوحہ (مانیٹرنگ ڈیسک) صدرِ مملکت آصف علی زرداری نے قطر کے وزیراعظم اور وزیرِ خارجہ محمد بن عبدالرحمٰن بن جاسم آل ثانی سے دوحہ میں ملاقات کی۔ ملاقات میں بلاول بھٹو زرداری، خاتونِ اول آصفہ بھٹو اور پاکستان کے سفیر نے بھی شرکت کی۔

یہ بھی پڑھیں: معروف ترین ریلیشن شپ کوچ سعدیہ خان کا ارب پتی غیر مرد کے ساتھ تعلقات کا انکشاف

تبادلۂ خیال کے موضوعات

’’جنگ‘‘ کے مطابق ملاقات میں دوطرفہ تعلقات کے فروغ، تجارت اور سرمایہ کاری کے امکانات پر تبادلۂ خیال کیا گیا۔ اس حوالے سے جاری اعلامیہ کے مطابق صدر آصف علی زرداری نے اسرائیلی جارحیت کے مقابلے میں قطر کی قیادت کے اقدامات کو سراہا اور فیفا ورلڈ کپ 2022 کے کامیاب انعقاد پر قطری قیادت کو مبارک باد دی۔

یہ بھی پڑھیں: فیض حمید نے بطور پی ٹی آئی کے سیاسی مشیر ملک میں سازشیں کیں، آج کا فیصلہ تاریخی ہے: عطا تارڑ

پاکستان کی بہادری کی تعریف

قطری وزیراعظم نے حالیہ پاک، بھارت جنگ میں پاکستانی قوم اور افواج پاکستان کی بہادری کی تعریف کی۔

سرمایہ کاری کی دعوت

صدر مملکت نے قطر کو پاکستان میں بالخصوص سٹاک ایکسچینج میں سرمایہ کاری کی دعوت دی۔ قطر کے وزیراعظم نے کہا کہ قطر پاکستان سٹاک ایکسچینج میں سرمایہ کاری کا حجم مزید بڑھائے گا۔