سعودی عرب میں یورپین فلم فیسٹیول کے چوتھے ایڈیشن کا آغاز ہوگیا

چوتھے یورپی فلم فیسٹول کا آغاز

ریاض (وقار نسیم وامق) سعودی عرب میں یورپی یونین کے زیرِاہتمام چوتھے یورپین فلم فیسٹول کا آغاز ہوگیا جس میں نامور فلمی ستارے، پروڈیوسر، ہدایتکار اور دیگر اہم شخصیات شرکت کر رہی ہیں۔ فلم فیسٹول میں مختلف فلموں کی نمائش گیارہ نومبر تک جاری رہے گی۔

یہ بھی پڑھیں: امریکی عالمی جریدے ’’فوربز‘‘ میں ستھرا پنجاب پروگرام کامیابی کی باز گشت، وزیر اعلیٰ مریم نواز کو کریڈٹ دیدیا

تقریب میں شرکت کرنے والے اہم لوگوں کی فہرست

سعودی دارالحکومت ریاض میں چوتھے یورپی یونین فلم فیسٹول میں سعودی فلم کمیشن، واکس سنیما کے عہدیداروں سمیت دیگر اہم سعودی شخصیات نے شرکت کی جبکہ نامور یورپی فلمی ستاروں کے ساتھ ساتھ سعودی انٹرٹینمنٹ انڈسٹری سے تعلق رکھنے والے افراد بھی شریک ہوئے۔ اس موقع پر نامور فلم پروڈیوسر اور ڈائریکٹرز بھی فیسٹول کا حصہ تھے۔

یہ بھی پڑھیں: فلم “لو یو گورو” کی نمائش 6 جون 2025 سے دنیا بھر کے سنیما گھروں میں

یورپین یونین کے سفیر کا خطاب

اس موقع پر یورپین یونین کے سفیر کرسٹوف فرنوڈ نے شرکاء کا استقبال کرتے ہوئے کہا کہ سعودی عرب میں منعقدہ یورپین فلم فیسٹول کا چوتھا ایڈیشن مشرق وسطیٰ کا اپنی نوعیت کا انتہائی اہم فیسٹول ہے۔ اس فیسٹول میں ایکشن، ڈرامہ، کامیڈی اور اینیمیٹڈ فلمیں دکھائی جائیں گی، جس سے یہاں آنے والوں کو تفریحی ماحول میسر آئے گا۔ فلم فیسٹول میں Latvia کی آسکر ایوارڈ اینیمیٹڈ فلم "Flow" پیش کی گئی، جس کو فلم بینوں نے بے حد پسند کیا۔

افتتاحی تقریب کے دیگر مقررین

افتتاحی تقریب کے دیگر مقررین میں عریبیہ پکچرز کے چیئرمین عبد اللہ، سی ای او احمد تیامہ اور سعودی اداکارہ ثمر شیشہ نے اظہار خیال کیا اور یورپین فلم فیسٹیول کے انعقاد کو سراہا۔