ابھی تک بات نہیں کر سکتے کیا بحث ہو رہی ہے، اگلے ہفتے آئینی ترمیم کی کوئی شکل نکل آئے گی، خواجہ آصف

وزیر دفاع کا بیان

اسلام آباد (ڈیلی پاکستان آن لائن) وزیر دفاع خواجہ آصف کا کہنا ہے کہ تمام پارٹیوں سے مشاورت کے بعد جو شکل نکلے گی وہ سامنے لے آئیں گے۔ ابھی تک بات نہیں کر سکتے کہ کیا بحث ہو رہی ہے، اعتراضات کیے ہیں، کمنٹ کرنا میرے لئے مناسب نہیں۔

یہ بھی پڑھیں: پنجاب میں گوگل کروم بک فیکٹری لگانے کی پیشکش، وزیراعلیٰ مریم نواز نے بھرپور معاونت کی یقین دہانی کرا دی

پارلیمنٹ کے باہر گفتگو

پارلیمنٹ کے باہر صحافیوں سے گفتگو کرتے ہوئے انہوں نے کہا اگلے ہفتے آئینی ترمیم کی کوئی شکل نکل آئے گی، بلاول بھٹو کا حق ہے کہ وہ اظہار رائے دے سکتے ہیں، تمام پارٹیوں سے مشاورت کے بعد جو شکل نکلے گی وہ سامنے لے آئیں گے۔

پاک افغان مذاکرات

پبلک نیوز کے مطابق وزیر دفاع نے کہا کہ پاک افغان مذاکرات میں پیش رفت کی امید ہوتی ہے تو تبھی بات کی جاتی ہے، اگر پیش رفت کا امکان نہ ہو تو پھر وقت کا ضیاع ہی ہے۔ وفد روانہ ہو گیا، کل مذاکرات شروع ہو جائیں گے۔ خطے میں قیام امن کے لئے افغانستان والے دانشمندی سے کام لیں۔