ماحول پر کاپ 30 کانفرنس 10 سے 21 نومبر تک برازیل میں ہوگی، وزیراعلیٰ مریم نواز پنجاب کی نمائندگی کریں گی

کاپ 30 کانفرنس کا آغاز

لاہور (ڈیلی پاکستان آن لائن) ماحول پر کاپ 30 کانفرنس 10 نومبر سے برازیل میں شروع ہوگی، کانفرنس 21 نومبر تک جاری رہے گی۔ وزیراعلی مریم نواز پنجاب کی نمائندگی کریں گی، سینئر صوبائی وزیر مریم اورنگزیب بھی وزیراعلی کے ہمراہ ہوں گی۔

یہ بھی پڑھیں: عدلیہ کی بحالی اور کارکنوں کی آزادی تک جدوجہد جاری رہےگی، عمران خان

پنجاب کی ماحولیاتی اقدامات

وزیراعلی مریم نواز 19 ماہ میں ’ویسٹ ٹو ویلیو، وژن ٹو گلوبل ایکشن‘ کے پنجاب حکومت کے وژن، الیکٹرک گاڑیوں پر مبنی ٹرانسپورٹ، ستھرا، گرین پنجاب، سموگ کے خاتمے، فضائی معیار کی بہتری کے اقدامات، پہلی بار پنجاب کے تمام شعبوں کو ماحول دوست بنانے اور 42 شہروں میں الیکٹرک بسیں چلانے کے اقدام پر روشنی ڈالیں گی۔

ٹی 30 وژن کا اعلان

اس موقع پر وزیراعلی مریم نواز پنجاب کو ٹی 30 وژن کے معیار کا صوبہ بنانے کا اعلان کریں گی، پنجاب میں ایک لاکھ بیس ہزار الیکڑک موٹر سائیکل، رکشے چلانے، 1100 الیکٹرک ٹیکسیاں چلانے کے اقدامات پر بھی اظہار خیال کریں گی، اور 10 جدید ترین ڈیجیٹل ریل سسٹم چلانے کے منصوبے کو بھی بیان کریں گی۔