کرسٹیانو رونالڈو نے سعودی پرو لیگ میں نئی تاریخ رقم کردی

کرسٹیانو رونالڈو کی شاندار کارکردگی

ریاض (ڈیلی پاکستان آن لائن) فٹبال کے عالمی سپر سٹار کرسٹیانو رونالڈو نے سعودی فٹبال کلب النصر کے لیے شاندار کارکردگی دکھانے کا سلسلہ جاری رکھا ہوا ہے۔

یہ بھی پڑھیں: سیلاب متاثرہ علاقوں میں حفاظتی بندوں کی تعمیر و مرمت ریکارڈ مدت میں مکمل، وزیر اعلیٰ کی ٹیم کو شاباش

النصر کی مسلسل کامیابیاں

النصر نے نیوم ایس سی کو 1-3 سے شکست دے کر سعودی پرو لیگ میں مسلسل آٹھویں کامیابی حاصل کی، جس کے بعد ٹیم 24 پوائنٹس کے ساتھ پوائنٹس ٹیبل پر سرفہرست ہے۔

یہ بھی پڑھیں: فاسٹ بولر وقاص مقصود کا انٹرنیشنل کرکٹ سے ریٹائرمنٹ کا اعلان

رونالڈو کا تاریخی گول

میچ کے دوران پرتگالی لیجنڈ رونالڈو نے اپنے کیریئر کا 953 واں گول اسکور کیا، یہ گول 65 ویں منٹ میں اس وقت ہوا جب جواo فیلکس کو رونالڈو کی کک بچانے کے بعد فاؤل کیا گیا اور النصر کو پنالٹی ملی، جسے رونالڈو نے کامیابی سے گول میں تبدیل کیا۔
میچ کے بعد رونالڈو نے انسٹاگرام پر اپنی چند جوشیلی تصاویر شیئر کرتے ہوئے پیغام میں لکھا کہ ہم اپنے خواب پر کام کر رہے ہیں۔

یہ بھی پڑھیں: اوورسیز پاکستانیوں کی خدمات کے اعتراف میں “فرزندِ پاکستان ایوارڈ” چوہدری شفقت محمود کے نام

سعودی پرو لیگ میں سنگِ میل

یہ گول رونالڈو کی سعودی پرو لیگ میں 100 ویں براہِ راست شراکت (ڈائریکٹ کنٹریبیوشن) بھی ثابت ہوا، جس میں ان کے 83 گولز اور 17 اسسٹس شامل ہیں۔ حیرت انگیز طور پر یہ کارنامہ انہوں نے صرف 85 میچز میں انجام دیا، جس سے وہ لیگ کے پہلے غیر ملکی کھلاڑی بن گئے ہیں جنہوں نے یہ سنگِ میل عبور کیا۔

رونالڈو کی عمر اور عزم

40 برس کی عمر کے قریب پہنچنے کے باوجود رونالڈو کی فٹبال سے وابستگی اور کارکردگی میں کسی قسم کی کمی نظر نہیں آتی۔ وہ اب تاریخ کے واحد فٹبالر بننے کے قریب ہیں جو 1000 کیریئر گولز کا ریکارڈ قائم کریں گے۔