تنازع بات چیت سے حل ہوں تو اچھی بات ہے لیکن کسی دہشت گرد کا ہاتھ اگر معصوم کے خون سے رنگا ہوتو اسکی مذمت ہونی چاہیے،سرفراز بگٹی

اسلام آباد (ڈیلی پاکستان آن لائن) وزیر اعلیٰ بلوچستان سرفراز بگٹی کا کہنا ہے کہ ڈاکٹر مالک بلوچ کی جماعت لگتا نہیں کہ ووٹ دے گی۔ انہوں نے مزید کہا کہ قانون سازی کرنا پارلیمنٹ کا کام ہے اور وہ اپنا کام کر رہی ہے۔ بلوچستان کی نشستوں کے حوالے سے ای سی سی میں چیئرمین سے تفصیلی گفتگو ہوئی، 27ویں ترمیم میں 2 اہم ترامیم ہو رہی ہیں، اس لیے اس پر توجہ دی جا رہی ہے۔

پارلیمنٹ کے باہر میڈیا سے گفتگو کرتے ہوئے، انہوں نے کہا کہ تنازع اگر بات چیت سے حل ہوں تو یہ اچھی بات ہے۔ لیکن اگر کسی بھی دہشتگرد کا ہاتھ معصوم کے خون سے رنگا ہوا ہے، تو چاہے وہ کسی بھی نسل سے تعلق رکھتا ہو، اس کی مذمت ہونی چاہیے۔ افغان مہاجرین کے حوالے سے حکومتی پالیسی پر بلوچستان میں عمل درآمد ہو رہا ہے۔

اسلام آباد: وزیر اعلی بلوچستان میر سرفراز بگٹی کی پارلیمنٹ کے باہر میڈیا سے گفتگو
تنازعہ اگر بات چیت سے حل ہوں تو اچھی بات ہے
کسی بھی دہشتگرد کا ہاتھ اگر معصوم کے خون سے رنگا ہوا ہے تو وہ کسی بھی نسل سے ہو تو اس کی مذمت ہونی چاہیے @Meer_albalushi1 pic.twitter.com/c0MWomhVel

— Media Talk (@mediatalk922) November 10, 2025