مجھے کچھ کوے چھوڑ دیے گئے ہیں، شاہین کبھی گھبرا نہیں کرتا بلکہ اپنی پرواز کو اور اونچا کر لیتا ہے، وزیراعلیٰ سہیل آفریدی

وزیراعلیٰ خیبرپختونخوا کا مؤقف

پشاور (ڈیلی پاکستان آن لائن) وزیراعلیٰ خیبرپختونخوا سہیل آفریدی نے کہا ہے کہ میرے راستے میں اس وقت رکاوٹیں ڈالی جا رہی ہیں، مجھ پر کچھ کوئے چھوڑ دئیے گئے ہیں۔ انہوں نے مزید کہا کہ شاہین کبھی گھبرایا نہیں کرتا بلکہ اپنی پرواز کو اور اونچا کر لیتا ہے۔

یہ بھی پڑھیں: ویزوں کے مسائل حل، یو اے ای جانے کے خواہشمند افراد کیلئے بڑی خوشخبری

پرواز کو بلند رکھیں

تقریب سے خطاب کرتے ہوئے انہوں نے کہا کہ ہمیں اپنی پرواز کو اوپر رکھنا ہے تاکہ کوئے ہم تک پہنچیں نہیں اور اپنے مقصد پر فوکس رکھنا ہے۔ وہ وقت قریب ہے جب اندھیرے چھٹنے والے ہیں اور اجالا آنے والا ہے۔ ہم اپنے مقصد میں کامیاب ہوں گے۔ میں آخری حد تک جاؤں گا چاہے نتائج کچھ بھی ہوں، ہم مڈل کلاس کے پاس ہارنے کیلئے کچھ نہیں ہوتا لیکن جیتنے کیلئے پوری دنیا ہوتی ہے اور ہم یہ دنیا جیتیں گے۔

یہ بھی پڑھیں: بحرین انٹرنیشنل ایئر شو میں پاک فضائیہ کے دستے کی شرکت ، ایئر چیف مارشل ظہیر احمد بابر سدھو کو بحرین میڈل سے نوازا گیا

مزاحمت کا عزم

وزیراعلیٰ سہیل آفریدی نے مزید کہا کہ خیبرپختونخوا کے حوالے سے اوپر سے شاہی فرمان جاری ہوجاتا ہے کہ یہ پالیسی خیبرپختونخوا میں چلے گی اور اس پر عمل شروع ہوجاتا ہے۔ میں ایسی ہر پالیسی کے خلاف مزاحمت کروں گا، میں عوام کے حق کیلئے مزاحمت کروں گا۔ بند کمروں کے فیصلوں کی وجہ سے جو عوام پچھلے 20 سال سے پس رہی ہے اب انہیں موقع ملنا چاہیے۔ دہشتگردی سے متاثرہ علاقوں میں بہت ٹیلنٹ ہے۔

یہ بھی پڑھیں: 302 این جی اوز کی ریلیف سرگرمیاں جاری

دہشتگردی کی مذمت

وزیرِ اعلیٰ کےپی سہیل آفریدی نے وانا کیڈٹ کالج دہشت گرد حملے کی مذمت کی اور کہا کہ معصوم طلبہ اور تعلیمی اداروں کو نشانہ بنانا انتہائی بزدلانہ اقدام ہے۔ دہشت گردی کے مکمل خاتمے کے لیے کل امن جرگہ ہوگا۔ وہ نوجوان جو پچھلے 20 سال سے بارود، پستول، کلاشنکوف تھامے ہوئے ہیں، اب ہم نے ان کے ہاتھوں میں بلا، ہاکی دینا ہے اور انہیں مثبت راستوں کی طرف چلانا ہے۔

امن کے لئے آواز

انہوں نے کہا کہ ہم مسجد میں جاتے ہیں تو خودکش دھماکے ہوتے ہیں، گھر میں رہتے ہیں تو ہم پر ڈرون حملے ہوتے ہیں۔ یہ حالات ہم پچھلے 20 سال سے دیکھ رہے ہیں، ہمیں خیبرپختونخوا کی عوام کو مل کر امن کے لیے آواز اٹھانی ہوگی۔

مجھ پر کچھ کوئے چھوڑ دئیے گئے ہیں، شاہین کبھی کھبرایا نہیں کرتا بلکہ اپنی پرواز کو اور اونچا کر لیتا ہے۔ سہیل آفریدی pic.twitter.com/kgfLOFoPKi

— Shakir Mehmood Awan (@ShakirAwan88) November 11, 2025